«yawropa we amérikidin térrorizmgha qarshi küreshke angliq pozitsiye tutushini kütüwatimiz»
dölet mudapie ministiri fikri ishiq enqerening yawropa we amérikidin türkiyening térrorizmgha qarshi kürishige angliq pozitsiye tutushini kütüwatqanliqini éytti.
türkiye awazi radiyosi xewiri: ishiq gérmaniyening miyunxén shehiride chaqirilghan 53 – nöwetlik miyunxén bixeterlik konféransi dairiside ötküzülgen «türkiyening rayoniki roli» serlewhilik ilmiy muhakime yighinida qilghan sözide, süriye we iraqtiki özgirishler heqqide toxtalghanda, türkiyening térrorizmgha qarshi küreshte xelqara jemiyettin némilerni kütidighanliqi toghruluq chüshenche berdi.
türkiyening nöwette bolupmu süriye tereptin kéliwatqan tehditlerge qarshi küresh qiliwatqanliqini tekitligen ishiq, bu tehditlerning perde arqisida süriyediki qalaymiqanchiliq we boshluqning barliqini qeyt qildi.
térrorluq teshkilati daéshqa qarshi eng küchlük shekilde küresh qiliwatqan birdinbir döletning türkiye ikenlikini éytqan ishiq, yawropaning térrorluq teshkilatliri mesiliside ayrimchiliq qilishtin waz kéchishi lazimliqini bildürdi.
«nato ning kélechiki: öz küchini jari qilduralmasliqmu? yaki nahayti muhimmu?» témiliq ilmiy muhakime yighinida qilghan sözidimu, hazirqi dewrning dunya tarixidiki nahayti köp we her xil sinaqlar we tehditler hemme yaqni qaplap ketken bir dewr hésablinidighanliqini eskertken ministir, «ilgiri nato ning ikki muhim wezipisi bar idi, u bolsimu tehditlerge taqabil turush we qoghdinish istiratégiyesi idi. hazirmu bu nahayti muhim, emma yéterlik emes. térrorizmgha qarshi küresh nato ning asasliq mesililiridin biri bolushi kérek» dédi.
