شانلىئۇرفادا پارتلاش يۈز بەردى

تۈركىيە ئاۋازى رادىيوسى خەۋىرى: شانلىئۇرفا ۋالىيسى ئازىم تۇنا ئاپتوموبىل ئارقىلىق ئېلىپ بېرىلغان ھۇجۇمدا 5 كىشىنىڭ يارىلانغانلىقىنى جاكارلىدى. ۋالىي مەھكىمىسىنىڭ بىلدۈرۈشىچە، يېنىشەھىر مەھەللىسىدىكى تەپتىشلەر ئائىلىلىكلەر قورۇسىنىڭ ئالدىدا تېررورلۇق ھۇجۇمى يۈز بەرگەندىن كېيىن رايوندا بىخەتەرلىك تەدبىرلىرىنى قاتتىق كۈچەيتكەن ساقچىلار نەق مەيداننى داۋاملىق تەكشۈرمەكتە ئىكەن. بۇ ئارىلىقتا، ۋالىي تۇنا ۋىرانشەھىردە 2 كىشىنىڭ جېنىغا زامىن بولغان تېررورلۇق ھۇجۇمىنى تېررورلۇق تەشكىلاتى پ ك ك نىڭ ئېلىپ بارغانلىقىنىڭ ئېنىقلاپ چىقىلغانلىقىنى، تەكشۈرۈش جەريانىدا 26 گۇماندارنىڭ قولغا ئېلىنغانلىقىنى جاكارلىدى.