جىددىي ھالەتنىڭ مۇددىتى ئۇزارتىلدى

تۈركىيە ئاۋازى رادىيوسى خەۋىرى: تۈركىيە مىقياسىدا 19 – يانۋار سائەت 1 دىن باشلاپ ئۇدا 3 ئاي  ئىجرا قىلىنىدىغان جىددىي ھالەتنى ئۇزارتىش قارارنامىسى مىنىستىرلار كېڭىشى تەرىپىدىن 3 – يانۋار كۈنى چىقىرىلغاندىن كېيىن تۈركىيە بۈيۈك مىللەت مەجلىسى ئومۇمىي كېڭىشىنىڭ 3 – يانۋار كۈنىدىكى 49 – قېتىملىق يىغىنىدا ماقۇللانغانىدى.

يەنە بىر تەرەپتىن، ھۆكۈمەتكە بېرىلگەن شىمالىي ئاتلانتىك ئەھدى تەشكىلاتىنىڭ ئافغانىستاندا ئېلىپ بېرىۋاتقان تەلىم - تەربىيە پائالىيەتلىرى دائىرىسىدە  تۈركىيە ئارمىيەسىنى ئافغانىستانغا ئەۋەتىش ھوقۇقىنىڭ مۇددىتى 6 – يانۋاردىن ئېتىبارەن 2 يىل ئۇزارتىلدى.

تۈركىيە بۈيۈك مىللەت مەجلىسىدە ماقۇللانغان ئافغانىستان قارارنامىسى رەسمىي گېزىتتە ئېلان قىلىندى.