سۈرىيەدە تۈركىيە ئەسكەرلىرى ھۇجۇمغا ئۇچرىدى

تۈركىيە ئاۋازى رادىيوسى خەۋىرى: سۈرىيەنىڭ شىمالىنى تېررورچىلاردىن خالىيلاشتۇرۇش مەقسىتىدە 24 – ئاۋغۇستتا تۈركىيە ئارمىيەسىنىڭ يېتەكچىلىكىدە باشلىغان فىرات قالقىنى ھەرىكىتى جەريانىدا مەيدانغا كەلگەن ئەلباب رايونىدىكى دائېشنىڭ ئاپتوموبىل بومبا ھۇجۇمىدا 1 ئەسكەر شېھىت بولدى، 7 ئەسكەر يارىلاندى.

يارىلانغان ئەسكەرلەر تىك ئۇچار ئايروپىلانلار بىلەن تۈركىيەگە كەلتۈرۈلۈپ، كىلىس ۋە غازىئانتەپتىكى دوختۇرخانىلاردا بالنىستقا ئېلىندى.

يەنە بىر تەرەپتىن، ھەربىي ھەرىكەتلەردە دائېش ئەزاسى 11 تېررورچى ئۇجۇقتۇرۇلدى، 4 ئۆكتىچى يارىلاندى.

تۈركىيە ئارمىيەسى، دائېشقا تەۋە قورال ئىسكىلاتلىرىنى ئۆز ئىچىگە ئالغان جەمئىي 208 نىشاننى بىتچىت قىلىپ تاشلىدى.