bügün 24 – noyabir oqutquchilar bayrimi küni

türkiye awazi radiyosi xewiri: jumhur reis erdoghan bu heqte élan qilghan bayanatida, türkiyening 2023 – yilliq istiratégiyelik nishanlirigha peqet angliq, milliy we meniwi qimmet ölchemlirige asaslinidighan talantliq ewladlar arqiliqla yetkili bolidighanliqini, shunga oqu – oqutush nizamnamilirini közdin kechürüshning zörürlükini tekitlep mundaq dédi: «ewladlirimiz uzun yillar siyasiy we idiologiye jehettin bir xil we tar dairidiki anggha asasen oqushqa mejbur boldi. <manga bir herp ögetken kishining 40 yilliq maliyi bolimen> éngini asas qilidighan bir enenining wekilliri bolush süpitimiz bilen oqutquchilirimizgha bolghan iptixarliq burchimizni héchqachan we toluq ada qilalmaydighanliqimizni obdan bilimiz. shundaq bolsimu, dölitimizning herqaysi bulung - puchqaqlirida türlük qiyinchiliqlargha qarimay wezipe ötewatqan oqutquchilirimizni qollash, ulargha téximu yaxshi sharait yaritip bérish iradimiz qetiydur.»

bash ministir yildirim bu heqte élan qilghan bayanatida, oqutquchilarning döletning qudret tépishida oynaydighan rolining nahayti zorluqini tekitlep mundaq dédi: «24 – noyabir oqutquchilar bayrimi küni munasiwiti bilen barliq oqutquchilirimizgha chin dilimdin rehmet éytimen.»

maarip ishliri ministiri ismet yilmaz bu heqte élan qilghan bayanatida, «oqutquchilar  hem adem terbiyeleydighan hem bir medeniyet we kültür berpa qilidighan yol bashchilardur» dédi.

türkiye armiyesi bash qomandanliq ishtabining bashliqi hulusi aqarmu bu heqte élan qilghan bayanatida, «xelqimizning her bir ewladini toghra nishanlargha asasen terbiyelesh yolida qan – ter aqquzuwatqan méhnetkesh oqutquchilirimizning oqutquchilar bayrimi künini chin dilimdin tebrikleymen» dédi.