سۈرىيە چېگراسىدىكى بەزى جايلار «ئالاھىدە خەۋپسىزلىك رايونى» ئېلان قىلىندى

تۈركىيە ئاۋازى رادىيوسى خەۋىرى: غازىئانتەپ ۋالىيلىق مەھكىمىسى بايانات بېرىپ، سۈرىيە چېگراسىدىكى خەۋپسىزلىك ھالىتىگە ھەمدەم بولۇش، خەلقنىڭ ھاياتى ۋە مال – مۈلكىنى يۈز بەرگۈسى تەھدىت ۋە خېيىم – خەتەرلەردىن قوغداش مەقسەتلىك ئالدىنى ئېلىش تەدبىرلىرىنىڭ يولغا قويۇلغانلىقىنى ئۇقتۇردى.

بۇ دائىرىدە، قارقامىش ناھىيەسىنىڭ بەشقىلىچ – تۈركيۇردۇ ئارىسىدىكى سۈرىيە چېگرا رايونىنىڭ 3 – سېنتەبىر سائەت 17:00 گىچە بولغان 15 كۈن بويىچە «ئالاھىدە خەۋپسىزلىك رايونى» ئېلان قىلىنىشىغا قارار قىلىندى. باياناتتا: «‹ئالاھىدە خەۋپسىزلىك رايونى› ئېلان قىلىنغان جايلاردا ھەر تۈرلۈك قاتناش ۋە ئادەملەرنىڭ كىرىپ – چىقىشىنىڭ كۈنترول قىلىنىشى، نۆۋىتى كەلگەندە مەنئىي قىلىنىشى ۋە كېرەكلىك بىخەتەرلىك تەدبىرلىرىنىڭ يولغا قويۇلۇشى ۋىلايەتلىك قوراللىق ساقچى قىسىم ۋە ۋىلايەتلىك جامائەت خەۋپسىزلىك تارماقلىرى تەرىپىدىن ئىجرا قىلىنىدۇ.» دېگەن ئىبارىلەرگە ئورۇن بېرىلدى.