dunya boks ittipaqi herbiy-siyasiy özgirish qozghashqa urunush herikitini eyiblidi

türkiye awazi radiyosi xewiri: dunya boks ittipaqi bashliqi ching ko wu, türkiye boks fédratsiyesi bashliqi eyüp gözgechke mektup ewetip, fetullahchi térrorluq teshkilatining herbiy-siyasiy özgirish qozghashqa urunush herikitining meghlup bolushidin tolimu söyüngenlikini bildürdi.

türkiye boks fédratsiyesining bildürüshiche, gözgech herbiy-siyasiy özgirish qozghashqa urunush herikitining türkiyening xelqara tenterbiye sahesidiki démokratiyege baghliq we küchlük dölet obrazigha dagh chüshürüsh meqsitining barliqini qeyt qilghan.

türkiyening yéqinqi yillarda siyasiy, iqtisadiy we ijtimaiy hayatta berpa qilghan muqim weziyitining tenterbiye sahesidimu özini namayen qilghanliqini éytqan gözgech mundaq dédi: «türkiye armiyesi sépigha soqunup kiriwalghan xainlar barliq sahelerdiki muqim weziyetke ziyan bermekchi boldi, ayropilanlar, tik ucharlar we tankilarning küchini nezerge alghuchilar milletning küchinii nezerge élipmu qoymidi. bu peskerlerche élip bérilghan herbiy-siyasiy özgirish qozghashqa urunush herikitige xatime bérishte xelqimizning körsetken qehrimanliqi dunya tarix sehipisige kirdi. herbiy-siyasiy özgirish qozghashqa urunush herikiti meghlup boldi, démokratiye ghelibe qildi.»

dunya boks ittipaqi bashliqi ching ko wuning herbiy-siyasiy özgirish qozghashqa urunush herikiti yüz bérip etisi türkiye toghruluq maqale yazghanliqini éytqan gözgech munularni qeyt qildi: «reis wu meydangha kelgen weqelerdin tolimu endishe qilghanliqini we hayatidin ayrilghanlargha chin qelibidin teziye bildüridighanliqini bizge alahide bildürüp ötti. reis mektubida tinchliq asas  qilghan hel qilish charisi we téz sürette asasiy qanun tertipige qaytishni tileydighanliqini biz bilen ortaqlashti. menmu uninggha türkiyede weziyetning bésiqturulghanliqini, jemiyet amanliqining eslige kélingenlikini, siyasiy iradining pütün küchi bilen heriket qiliwatqanliqini éyttim. türkiye boks fédratsiyesi bolush süpitimiz bilen herbiy-siyasiy özgirish qozghashqa urunush herikitini yene bir qétim eyibleymiz. 15-iyulni démokratiyimizning bayram küni süpitide köridighanliqimizni bilip qalghaysiz.»