erdoghan uyghur ösmürlerge salam we hediye yollidi
ziyaret jeryanida 25 ke yéqin uyghur ösmürler teripidin imzalanghan we dunyaning her qaysi jaylirida yashawatqan uyghurlarning qéyinchiliqlirigha alaqidar jumhur reis rejep tayyip erdoghangha yézilghan mektup, bash meslihetchi yalchin topchu ependige tapshuruldi.
türkiye awazi radiyosi xewiri: türkiyede aktip paaliyet élip bériwatqan uyghur ammiwiy teshkilatliridin «sherqiy türkistan maarip we hemkarliq jemiyiti» ösmürler guruppisi enqerede 3 künlük ziyaret paaliyiti élip bardi.
«sherqiy türkistan maarip we hemkarliq jemiyiti» ayallar kométiti mesuli munewwer öz uyghurning bashchiliqidiki 30 kishilik ösmürler gürüppisi enqere qazan nahiyesi teripidin orunlashturulghan iptar ziyapiti uyghur kéchiliki pirogrammisigha alahide teklip qilinghan bolup, uyghur ösmürler urunlashturushqa asasen enqere ziyaritini eng deslep türkiye jumhur reisliki sariyidin bashlidi.
uyghur ösmürler türkiye jumhur reisliki külliyesige qobul qilinishtin ilgiri jumhur reislik külliyesining «millet jamesi»ni ziyaret qildi we kolliktip resimge chüshti. andin türkiye jumhur reisi bash meslihetchisi yalchin topchi ependi teripidin qobul qilindi.
uyghur ösmürlerning türkiye jumhur reislik sariyi ziyaritige türkiyede yashawatqan uyghur siyasiy paaliyetchi séyit tümtürk ependi, uyghur akadimik dotsént doktor erkin emet, zhurnalist mirkamil kashgherli qatarliq kishiler hemrah boldi.
türkiye jumhur reisi bash meslihetchisi yalchin topchi ependi uyghur ösmürlerni intayin qizghin qarshi aldi. jumhur reis rejep tayyip erdoghanning öyghur ösmerlerge yollighan salamini we külliye ziyaritidin intayin xoshallanghanliqini éytti.
ösmürlerning her birsi bilen ayrim - ayrim körüshüp, ehwal sorap köyüm - shepqet körsetken bash meslihetchi yalchin topchu jumhur reis rejep tayyip erdoghanning ösmürlerge yollighan hediyelirini tarqitip berdi.
uyghur ösmürlermu yalchin topchu ependige uyghur doppisi, kanaway köyniki we kök bayraq qatarliq hediyelirini teqdim qildi.
ziyaret jeryanida 25 etrapida ösmür teripidin imzalanghan we dunyaning her qaysi jaylirida yashawatqan uyghurlarning qéyinchiliqlirigha alaqidar jumhur reis rejep tayyip erdoghangha yézilghan mektup yalchin topchu ependige tapshuruldi.
yalchin topchu ösmürlerning teleplirini öz qoli bilen jumhur reiske yetküzidighanliqini éytti. uyghurlar üchün yaxshi tileklerde boldi we dua qildi.
texminen 1 yérim saet dawamlashqan uchrishish uyghur ösmerlerni intayin söyündürdi.
