binali yildirim uyghur ösmürler bilen kolléktip xatire resimge chüshti
uyghur ösmürler tükiyede we dunyaning her qaysi jaylirida yashawatqan uyghurlarning qéyinchiliqlirigha alaqidar telepliri yézilghan mektupni bash ministir binali yildirimgha teqdim qildi.
türkiye awazi radiyosi xewiri: «sherqiy türkistan maarip we hemkarliq jemiyiti»ge qarashliq 30 kishilik ösmürler guruppisi türkiye büyük millet mejlisi (parlaménti) ziyariti dairiside, türkiye bash ministiri binali yildirim bilen körüshti.
türkiye büyük millet mejlisi (parlaménti) parlamént binasi aldida uyghur ösmürler bilen qizghin körüshken bash ministir binali yildirim kolléktip xatire resimge chüshti.
uyghur ösmürler tükiyede we dunyaning her qaysi jaylirida yashawatqan uyghurlarning qéyinchiliqlirigha alaqidar telepliri yézilghan mektupni bash ministir binali yildirimgha teqdim qilghandin kéyin türkiye büyük millet mejlisi (parlaménti)diki ziyaritini axirlashturdi.
uyghur ösmürler guruppisining yétekchi oqutquchisi munewwer özuyghur xanim bu qétimqi 3 künlük enqere ziyaritining kütkinidinmu yaxshi netijilik bolghanliqini, milletning kelgüsi hésablinidighan balilarning rohi chüshkünlük we yatsirash tüyghulirini yéngip, öz - özige bolghan ishenchisini tikliyelishige muhim rol oynaydighanliqini bildürdi.
