köchmenler dolquni dawam qilmaqta

türkiye awazi radiyosi xewiri: kirklareli qoralliq saqchi qisim qoandanliq ishtabining xadimliri, demirköy we kofchaz nahiyeside, qanunsiz yollar arqiliq chet elge chiqish teyyarliqini qiliwatqan ayrim – ayrim üch guruppini bayqidi. bu qétimqi herbiy herikette tutulghan 25 süriyelik, 16 afghanistanliq musapir köchmenlerning resmiyiti ötelgendin kéyin, kirklareli köch idarsigha tapshuruldi.

tünügün (6 – mart) mu qanunsiz yollar bilen girétsiyening kizilhésar ariligha ötüp kétishke urunghan 120 süriyelik köchmen tutulghan idi. sahil bixeterlik xadimliri bashlighan herikette kash déngiz tewelikide bir dane yel qolwaq körülgen idi. xadimlar 20 balini öz ichige alghan 18 ayal bolup, jemiy 59 süriyelikni tutqan idi.

kash déngiz tewelikide bayqalghan ikkinchi yel qolwaqta 18 kichik bala we 20 ayal bolup, jemiy 61 süriyelik köchmen tutulghan idi.

aydinning didim nahiyesi déngiz tewelikide tünügün süriyelik köchmenlerni élip mangghan qolwaqning chöküp kétishi netijiside, 13 kichik balini öz ichige alghan 25 adem hayatidin ayrilghan, 15 kishi qutquzuwélinghan idi. yoqap ikki ademni izdesh – qutquzush ishliri dawam qilmaqta.