15.04.2024

türkiye awazi radiyosi: «xeber türk géziti», tashqi ishlar ministirliqi iran-isirailiye jiddiychiliki toghrisida bayanat élan qildi.

terepler salmaq bolushqa chaqirilghan bayanatta, «isirailiyening süriye paytexti demeshiqtiki iran elchixana binasigha qilghan xelqaraliq qanungha xilap hujumi, qayghulirimizning toghra ikenlikini ispatlidi. iranning buningdin öch élishi we kéyin otturigha chiqqan hadisiler, weqelerning rayonda téz sürette urushqa seweb bolush mumkinlikini yene bir qétim körsetti» déyildi.

«star géziti», tashqi ishlar ministiri xaqan fidanning tünügün (14-aprél) iran tashqi ishlar ministiri hüseyin emir abdullahiyan bilen körüshüp, isirailiyedin öch élish hujumidin kéyin, rayonda weziyetni téximu ulghaytiwétidighan heriketlerni xalimaydighanliqlirini we bundaq heriketlerdin yiraq turushni ümid qilidighanliqlirini éytqanliqini xewer qildi.

«sabah géziti»,  dunya iranning isirailiyedin öch élish hujumini munazire qiliwatqan bir peytte, enqerening hujumdin ilgiri muhim rol oynighanliqini xewer qildi.

xewerde, iran bilen amérikaning özara ümid we teleplirining türkiye arqiliq bir-birige yetküzülgenliki qeyt qilindi.

«yéngi shepeq géziti», türkiyening shimaliy iraqqa qilidighan herbiy herikitining deslepki basquchida, térrorluq teshkilatini p k k ni qollighan yéza wa bazarlarning tazilinidighanliqini, arqidin métina, hakurk, zap, awashin we haftanin qatarliq jaylarda uwa tutqan térrorluq teshkilatining yoqitilidighanliqini xewer qildi.

xewerde, kéyinki basquchta, mahmur, süleymaniye, qandil we sinjar rayonlirida herbiy heriket élip bérilidighanliqi qeyt qilindi.