04.04.2024
bügünki türkiye metbuatliridin tallap teyyarlighan xewerlirimizning qisqiche mezmunliri töwendikiche:
«höriyet géziti», jumhur reis rejep tayyip erdoghanning mushu bir yil ichide 3 - qétim ongushluq saylam ötküzülgenlikini we démokratiyege kölenggü chüshüridighan héch qandaq selebiy weqelerning yüz bermigenlikini tekitlep: «biz bir millet bolush süpitimiz bilen pütün dunyagha türkiyening démokratiyesining piship yétilgenlikini yene bir qétim namyan qilduq» dégenlikini xewer qildi.
«yéngi shepeq géziti», 2023-yilida antalyaning sayahet tarixidiki eng yuqiri rékortni yaratqanliqini, bu yil martta tunji qétim 500 mingdin artuq sayahetchini kütiwalghanliqini, öz nöwitide yene, mushu 3 ayliq mezgil ichide tunji qétim 1 milyonluq chektin éship ketkenlikini xewer qildi.
«weten géziti», «déngiz sodisida rékort yaritildi» serlewhilik xewiride, munu uchurlargha orun ajratti:
2024 - yilining birinchi pesilde türkiye iqtisadida körülgen yaxshilinish soda hayatida eks étishke bashlidi. martta türkiye portlirida déngiz arqiliq yük toshush miqdari 5 milyon 699 ming 607 tonnigha yetti. türkiye dunyada aldinqi qatardiki déngiz döletlirining birige aylandi.
«sabah géziti», «türkiyening shifirliq pul baziri <ICRYPEX> xelqarada yuqiri örlimekte» serlewhilik xewiride, munu uchurlargha orun ajratti:
téz tereqqiy qiliwatqan <ICRYPEX> shifirliq pul baziri, dunyaning herqaysi jaylirida tilgha élinidighan shifirliq pul bazirigha aylandi. <ICRYPEX> türkiyedin kéyin yershari abontlirigha yéngi tizimlik we yéngi ewlad shifirliq pul hel qilish charisi bilen teminlesh nishanigha qarap oxshimighan rayonlarda mulazimitini tézletmekte.
«star géziti», «türkiye medeniyet yoli féstiwali bashlandi» serlewhilik xewiride, munu uchurlargha orun ajratti:
türkiye medeniyet yoli féstiwali 2024 - yili qatnashquchilargha untulghusiz xatirilerni qaldurushqa teyyarliq qilmaqta. türkiye 13 - apréldin 10 - noyabirghiche oxshimighan 16 sheherde sekkiz ay dawamlishidighan medeniyet-senet marafonche féstiwali bilen goya bayram keypiyati yashnitidu. qatnashquchilarni xilmu xil paaliyetler arqiliq türkiyening tarixi we medeniyet bayliqigha dair mol xatirilerge ige qilidu.