29.02.2024

«weten géziti», «jumhur reis erdoghandin rusiye we ukrainagha chaqiriq؛ <diplomatiyige purset béringlar!> serlewhilik xewiride, munu uchurlargha orun ajratti:

jumhur reis erdoghan ukraina jenubiy sherqiy yawropa bashliqlar yighinigha sinliq uchur yollidi. erdoghan rusiye-ukraina urushi heqqide: «urushning adil we uzaq muddetlik bir tinchliq bilen axirlashturilishi üchün diplomatiye we diyalogqa purset bérish kérek dégen qarishimni saqlap kelmektimen» dédi.

«xeber türk géziti», «rusiye tashqi ishlar ministiri lawrow türkiyege kélidu» serlewhilik xewiride, munu uchurlargha orun ajratti:

rusiye tashqi ishlar ministirliqi bayanatchisi mariya zaharowa paytext moskwada ötküzülgen heptilik muxbirlarni kütüwélish yighinida, tashqi ishlar ministiri sérgéy lawrowning türkiyede ziyarette bolidighanliqini bayan qilip: «lawrow türkiye tashqi ishlar ministirining teklipige binaen antalya diplomatiye munbiri yighinigha qatnishiish üchün 1 – we 2 – martta türkiyede ziyarette bolidu. lawrowning türkiyelik mensepdishi xaqan fidan bilenmu uchrishishi pilanlanlanmaqta» dédi.

«star géziti», «afina hökümiti türkiyedin alghan ilham bilen heriketke ötti» serlewhilik xewiride, munu uchurlargha orun ajratti:

grétsiye pirézidéntliqi uchur - alaqe bashqarmisi türkiyening xelqaraliq sewiyede paaliyet élip bériwatqan «türkiye uchur - alaqe endizisi» ning muweppeqiyitidin ilham élip, tetür teshwiqatqa qarshi küresh merkizige oxshap kétidighan bir bölüm quridighan boldi.

«sabah géziti», déhqanchiliq we ormanchiliq ministirliqigha qarashliq béliqchiliq we su mehsulatliri idarisi bash dériktori mustafa altuch atalayning bultur béliqchiliq we owchiliq mehsulatlirida rékort yaratqanliqini tekitlep: «bultur 1 milyon tonnigha yéqin béliq qolgha keltürüldi. bu yilliq yétishtürüsh nishanimiz 575 ming tonnidin ashidu» dégenlikini xewer qildi.

«höriyet géziti», türkiye istatistika instituti (TUIK) ning tashqi soda sanliq melumatlirini élan qilghanliqini, bu sanliq melumatiqa asaslanghanda, dékabirdiki tashqi soda qizil reqimining aldinqi yilining oxshash mezgilige sélishturghanda %56.4 töwenlep, eslidiki 14 milyard 290 milyon dollardin 6 milyard 227 milyon dollargha chüshkenlikini xewer qildi.