14.02.2024

türkiye awazi radiyosi: «yéngi shepeq géziti», 120 din artuq seudi erebistan shirkitining türkiye shirketliri bilen alaqe ornitish üchün istanbulgha kélidighanliqini xewer qildi.

xewerde, shirketlerning énérgiyedin bankachiliq, mudapiedin awiyatsiyegiche bolghan keng sahede meblegh sélish pursetliri üstide muzakire ötküzidighanliqi qeyt qilindi.

«sabah géziti», türkiyening yéza igilik mehsulatliri ékisportining yanwar éyida %9.3 éship 3.1 milyard dollargha yetkenlikini xewer qildi.

xewerde, yanwar éyida istanbulning 772.3 milyon dollarliq yéza igilik mehsulatliri éksport qilip birinchi orunda turghanliqi, buning türkiyening jemiy yéza igilik mehsulatliri ékisportining %24.7 ni igelleydighanliqi qeyt qilindi.

«xeber türk géziti», istanbulning 2023-yilda 17 milyon 370 ming 30 chet ellik sayahetchini kütüwélip, rékort yaratqanliqini xewer qildi.

«star géziti», engliyede chiqidighan «télégraf» gézitining «bu yil néme üchün türkiyede dem élish yili?» serlewhilik xewiride, oqurmenlirige türkiyede dem élishni teklip qilghanliqini xewer qildi.

xewerde, dunyada kishilerni barghanséri özige jelp qiliwatqan türkiyediki sayahet merkezlirining, 2024-yilda ispaniyedin qalsila eng köp sayahet qilinidighan ikkinchi dölet firansiyeni arqida qalduridighanliqi ilgiri sürüldi.