29.01.2024

türkiye awazi radiyosi: «yéngi shepeq géziti», tashqi ishlar ministirliqi tünügün (28-yanwar) bayanat élan qilip, b d t ning ottura sherqtiki pelestinlik musapirlargha yardem qilish agéntliqigha qiliniwatqan yardemlerni toxtitish qararidin chongqur endishe hés qiliniwatqanliqini bildürgenlikini xewer qildi.

«hörriyet géziti»,  sanaet we téxnologiye ministiri mehmet fatih kajirning tünügün bir türküm tetqiqatchi, alimlarning 8-qétimliq antaraktika bilim sepirige qatnishish üchün istanbuldin antaraktikagha qarap yolgha chiqqanliqini éytqanliqini xewer qildi.

xewerde, ministir kajirning antaraktikada türkiye bilim tetqiqat bazisi qurulush xizmetlirining dawamlishiwatqanliqini bildürgenliki qeyt qilindi.

«star géziti», türkiyelik tunji alem uchquchisi alper gezerawjining jumhur reis rejep tayyip erdoghan we ministir mehmet fatih kajir bilen körüshkendin kéyin, samsun uniwérstétining oqutquchi-oqughuchiliri bilen torda körüshkenlikini xewer qildi.

xewerde, alper gezerawjining  alemde qilidighan tejribiliri toghrisida melumat bergenliki bildürüldi.

«xeber türk géziti», ispaniye réal madrid komandisigha yötkelgen türkiye döletlik putbol komandisining ezasi arda gülerning ispaniye derijidin tashqiri birleshme putbol musabiqisige qatnashqanliqini xewer qildi.