18.01.2024
bügünki türkiye gézitliride asasiy salmaqni igiligen muhim xewerlirimizning qisqiche mezmunliri töwendikiche:
türkiye awazi radiyosi: «sabah géziti», jumhur reis rejep tayyip erdoghanning kabént yighinidin kéyin élan qilghan térrorluqqa qarshi küresh toghrisidiki bayanatlirining dunyada keng eks sada peyda qilghanliqini xewer qildi.
xewerde, xelqaraliq agéntliqlarning arqimu arqidin, «türkiye térrorluqqa qarshi küreshte qetiy» serlewhiside xewer élan qilip, rejep tayyip erdoghanning «ya yénimizda turisiler yaki qarshimizda» dégen signalidin bésharet bergenliki qeyt qilindi.
«yéngi shepeq géziti», ukraina-rusiye urushi dawamlishiwatqan bir waqitta, rusiye pirézidénti wladimir putinning tinchliqning emelge ashmasliqigha kiyéwning mesul ikenlikini éytqanliqini xewer qildi.
xewerde, istanbulda ötküzülgen uchrishishlarni alahide tilgha alghan putinning ukrainaning muzakire üstilidin qopup ketkenlikini eskertip, «istanbulda hemme mesililerde kélishken iduq» dégenliki eskertildi.
«hörriyet géziti», türkiyede türlük uchrishishlarda bolghan girétsiye sayahet ministiri olga kéfaloyannining 10 aralda yolgha qoyulushi pilan qilinghan tamozhnida wiza resmiyetlirini béjirish belgilimisining mart (2024) éyida bashlinip, yil boyi dawamlishidighanliqini éytqanliqini xewer qildi.
«weten géziti», yawropa komitéti yéza igilik we yéza tereqqiyat bash idaresining jughrapiyelik körsetküch diréktori diyago kanga fanoning safranbolu zepesige jughrapiyelik körsetküch bérilishini testiqlighanliqini xewer qildi.
