01.11.2023

türkiye awazi radiyosi: «‹yéngi shepeq› géziti», «israiliye insaniyetke qarshi jinayet sadir qilmaqta» serlewhilik xewiride, dölitimiz (türkiye jumhuriyiti) jumhur reisi rejep tayyip erdoghanning ichki kabinét yighinidin kéyin élan qilghan munu bayanatini oqurmenlirining diqqitige sundi:

«ghezzelik qérindashlirimiz 7-öktebirdin bashlap wehshiylikke duch kelmekte. amérika qoshma ishtatliri bilen yawropaning shertsiz qollishigha érishiwatqan israiliye insaniyetke qarshi jinayet sadir qilmaqta. biz ghezzelik qérindashlirimizgha hediye qilghan (türkiye-pelestin) dostluq doxturxanisi israiliye armiyesining hujumigha uchridi. jümlidin bu doxturxana israiliyening wehshiylikining eng axirqi qurbanigha aylandi.»

«‹hörriyet› géziti», dölitimiz (türkiye jumhuriyiti) jumhur reisi rejep tayyip erdoghanning paytext enqerede KeyVac waksinisi zawutini ishqa kirishtürüsh murasimida qilghan sözide, «a tipliq jiger yallughi» waksinisining türkiyede ishlepchiqirilidighanliqini eskertip mundaq  dégenlikini yazdi:

«köpinche hallarda chet ellerdin keltürülidighan <a tipliq jiger yallughi> waksinisi emdi dunya ölchimide dölitimizde ishlepchiqirilidu. shundaq qilip, türkiye bu waksinini eng yuqiri ölchemde ishlepchiqarghan 4-dölet bolidu.»

«‹sabah› géziti», «28 wilayette qehrimanlar herikiti élip bérildi» serlewhilik xewiride, töwendiki melumatlargha orun ajratti:

türkiye ichki ishlar ministirliqining rehberlikide qoralliq saqchi qisim qomandanliq ishtabining alahide qisimliri «qehrimanlar herikiti» dairiside, 28 wilayette bölgünchi térrorluq teshkilati p k k teripidin qish aylirida ishlitish üchün teyyarlanghan ghar we panahlinish orunlirini yer bilen yeksan qiliwetti.

ichki ishlar ministiri eli yerliqaya bu heqte élan qilghan bayanatida: «térrorizmgha qarshi kürishimiz taki eng axirqi térrorchi yoqitilghangha qeder qetiy irade bilen keskin dawamlishidu» dédi.

«‹sitar› géziti», türkiye mudapie sanaitining orginining mehsulati bolghan «ejder yalchin 4X4» namliq bolghan taktikiliq chaqliq mashinining «gidran» namida wéngiriyede ishlepchiqirilidighanliqini yazdi.

«‹xewer türk› géziti», «ayasofya jamesini ziyaret qilidighan chet ellik sayahetchilerdin buningdin kéyin heq élinidu» serlewhilik töwendiki xewirini oqurmenliri bilen ortaqlashti:   

türkiye medeniyet we sayahet ministiri mehmet nuri ersoy b d t maarip, ilim-pen we medeniyet teshkilati-yunésko (UNESCO) ning tewsiyesige asasen, ziyaretchilerni bashqurush pilanining 2024-yili 15-yanwardin bashlap yolgha qoyulidighanliqini eskertti, shundaqla shu kündin bashlap ayasofya jamesini ziyaret qilidighan chet ellik sayahetchilerdin heq élinidighanliqini uqturdi.