26.10.2023

«‹sabah› géziti», jumhur reis rejep tayyip erdoghanning tünügünki bayanatida, gherbning hamasni térrorluq teshkilati dep qaraydighanliqini eskertip,  israiliyege we dunyagha xitaben: «i israiliye! sen özüng bir teshkilat bolushung mumkin. bu gherbning sanga qerzi köp, emma türkiyening sanga héchqandaq qerzi yoq, hamas térrorluq teshkilati emes, öz zémini we puqralirini qoghdash üchün küresh qiliwatqan azadliq jengchiliri we  mujahidlar guruppisidur» dégenlikini xewer qildi.

«‹hörriyet› géziti», tashqi ishlar ministiri xaqan fidanning tünügün qatarda élan qilghan bayanatida, israiliyening ghezzege qaratqan quruqluq herikitining bu wehshiylikni pütünley qirghinchiliqqa aylanduruwétidighanliqini éytqanliqini xewer qildi.

«‹yéngi shepeq › géziti»,  jumhur reislik uchur – alaqe idarisi bashliqi faxrettin altunning israiliye dairilirini puqralarning ölümlirige sel qarashni toxtitishqa we muxbirlarni küchlük tedbir qollinip qoghdashqa chaqirghanliqini xewer qildi.

«‹xewer türk› géziti», aq déngiz sayahetchilik, méhmansaraylar we tijaretchiler jemiyitining reisi janan kawaloghluning, «antalyagha kelgen sayahetchiler sani tünügünge qeder 14 milyon 500 mingdin ashti. sheherge eng köp sayahetchi yollighan döletler arisida ret boyiche rusiye birinchi, gérmaniye ikkinchi we engliye üchinchi boldi» dégenlikini xewer qildi.

«‹sitar› géziti», dunya boyiche eng yaxshi qurulush layiheliri qataridin orun alghan türkiyening eng chong köwrükliridin biri bolghan «1915 chanaqqele köwrüki» ning «yershari xaraktérlik eng yaxshi layiheler» musabiqiside birinchilikke ériship  mukapatqa alghanliqini  xewer qildi.