23.10.2023
bügünki türkiye gézitliride asasiy salmaqni igiligen xewerlirimiz töwendikiche:
«‹xewer türk› géziti», türkiyedin yolgha chiqqan, ghezzege yetküzüp bérilidighan dora we dawalash matériyalliri qachilanghan, 20 doxtur olturghan türkiye jumhuriyiti jumhur reislik mehkimisige tewe ayropilanning misirgha yétip barghanliqini xewer qildi.
«‹sabah› géziti», türkiye soda ministiri ömer bolatning tünügün bergen bayanatida, nishanlirining, türkiyeni 2053-yiligha barghanda dunyadiki aldinqi 10 iqtisadiy gewde qataridin orun aldurush, sétiwélish küchi ölchimi jehettin dunyadiki aldinqi 5 iqtisadiy gewdidin birige aylandurush ikenlikini éytqanliqini yazdi.
«‹sitar› géziti», nigériye taratqulirining, qoral - yaragh sodisida türkiyening eng yaxshi tallash ikenlikini xewer qilghanliqini oqurmenlirining diqqitige sundi.
nigériye taratqulirining xewerlirige qarighanda, «qizilalma» we «ataq» namliq tik uchar ayropilanlar qoral - yaragh sodisida türkiyening eng yaxshi tallash ikenlikining namayendisi bolup, nigériye hökümitining «ataq» namliq tik uchar ayropilan sétiwélish mesiliside (türkiye hökümiti bilen) kélishim tüzüshi kütülmekte iken.
«‹yéngi shepeq› géziti», türkiyening aptomobil éksportining bu yilning aldinqi 9 éyi ichide 2022-yilining oxshash mezgilige sélishturghanda% 10.1 éship, 21 milyard dollargha yetkenlikini oqurmenliri bilen ortaqlashti.
gézitning xewiride tekitlinishiche, türkiyening eng köp aptomobil éksporti gérmaniye, rusiye we amérika qoshma ishtatlirigha qilinghan.
