16.10.2023
bügünki türkiye gézitliride asasiy salmaqni igiligen xewerlirimiz töwendikiche:
türkiye awazi radiyosi: «‹sabah› géziti», dölitimiz (türkiye jumhuriyiti) diplomatiye ministiri xaqan fidanning amérika qoshma ishtatliri diplomatiye ministiri antoni blinkénning telipige binaen téléfonda körüshkenlikini, ikki ministirning téléfon söhbitide, israiliye bilen hamas otturisida dawamlishiwatqan toqunushlar heqqide muzakire élip bérilghanliqini yazdi.
«‹hörriyet› géziti»,türkiye déngiz armiyesi qisimlirining sherqiy aqdéngizda 10-ayning 16-künidin 20-künigiche ötküzülighan manéwir munasiwiti bilen «Navtex» (déngizchilargha agahlandurush) élan qilghanliqini xewer qildi.
«‹sitar› géziti», türkiye qatnash we ul eslihe ministiri abdulqadir uraloghluning pars qoltuqidin yawropagha mehsulat toshuydighan tereqqiyat yoli layihesi mesiliside türkiye, iraq, ereb birleshme xelipiliki we qatarning oxshash qarashqa ige ikenlikini yazdi.
gézitning xewiride tekitlinishiche, uraloghlu seudi erebistanningmu ishqa kirishtürülgen haman bu layihege qatnishidighanliqini bildürgen.
«yéngi shepeq» géziti, ezerbeyjan pirézidénti ilham eliyéwning ezerbeyjan armiyesining kontrolluqigha ötken «aghdere shehiri» bilen «serseng tosmisi köli» ni ziyaret qilghanliqini oqurmenlirining diqqitige sundi.
gézitning xewiride eskertilishiche, eliyéw bu yerde ezerbeyjan bayriqini qadighan.
ezerbeyjan armiyesining qarabaghdiki térrorizmgha qarshi küresh herikitining 24 saet ichide ghelbilik axirlishishidin kéyin, bu rayon erméniye shaykiliridin tazilanghanidi.
«‹xewer türk› géziti», 2024-yilliq yawropa putbol lewhe talishish musabiqisi aldin tallash musabiqisining (d) guruppisidaiki 7- aylanma musabiqiside türkiye dölet komandisining latwiye komandisini 0 ge qarshi 4 netije bilen yenggenlikini xewer qildi.
gézitning xewiride bildürülüshiche, türkiye dölet komandisi bu netije bilen gérmaniyede ötküzülidighan musabiqige qatnishish salahiyitige érishken.
