ئەردوغان ئەزەربەيجان پىرېزىدېنتى ئىلھام ئەلىيېۋنىڭ سايلام غەلىبىسىنى تەبرىكلىدى

تۈركىيە ئاۋازى رادىيوسى خەۋىرى: جۇمھۇر رەئىسلىك ئۇچۇر - ئالاقە ئىشلىرى ئىدارىسىنىڭ باياناتىغا ئاساسلانغاندا، ئەردوغان ئەلىيېۋ بىلەن تېلېفوندا كۆرۈشكەن.

سۆھبەتتە، جۇمھۇر رەئىس ئەردوغان ئەلىيېۋنىڭ پىرېزىدېنتلىق سايلىمىدا غەلبە قىلغانلىقىنى تەبرىكلىدى.

ئەردوغان سۆھبەتتە ئەلىيېۋنىڭ قايتا پىرېزىدېنت بولۇپ سايلىنىشىنىڭ ئەزەربەيجان ئۈچۈن خەيرىلىك بولۇشىنى ئۈمىد قىلىدىغانلىقىنى بىلدۈردى.

4 مىليون 971 مىڭ سايلىغۇچى ئاەۋاز تاشلىغان ۋە قاتنىشىش نىسبىتى %76.73 كە چىققان سايلامدا، ئىلھام ئەلىيېۋ %92.1 ئاۋازغا ئېرىشىپ قايتا سايلاندى.