türkiye sétip bergen qoralliq uchquchisiz ayropilanlar kosowogha yétip bardi

türkiye awazi radyosi xewiri:  albin kurti ijtimaiy alaqe hésabatida «kosowo buningdin kéyin téximu bixeter» dégen sözige qoralliq uchquchisiz ayropilan <BayraktarTB2 > ning resiminimu qoshup hembehirlidi.

bash ministir albin kurti, kosowo dölet mudapie ministiri arménd méhaj we kosowo bixeterlik qismliri qomandani bashkim jashari kosowo bayriqi chüshürülgen <bayraqtar t b 2> ning aldida xatire süretke chüshti.

bash ministir albin kurti, «dölet bolush süpitimiz bilen türkiyedin sétiwalghan qoralliq uchquchisiz ayropilan <BayraktarTB2 > ni armiyemizning qoral türige qoshtuq.  ikki yilliq hakimiyet mezgilimizde, esker sanimizni %80 tin artuq, herbiy xamchotimizni %100 tin artuq yuqiri kötürdüq. kosowo buningdin kéyin téximu bixeter» dédi.

albin kurti yene kosowo bixeterlik qismliri xadimlirining qoralliq uchquchisiz ayropilanni ishlitish meshiqini tamamlap bolghanghanliqini bildürdi.

kosowoning türkiyedin qanche dane qoralliq uchquchisiz ayropilan <BayraktarTB2 > sétiwalghanliqi heqqide héchqandaq melumat bermidi.