qirghizistan türkiyedin kelgen doxturlarni mukapatlidi

qirghizistan sehiye ministiri alimqadir béyshénaliyéw paytext bishkektiki qirghizistan-türkiye dostluq doxturxanisida tunji qétim qilinghan jiger köchürüsh opératsiyesige qatnashqan inönü uniwérsitétining doxturlirini mukapatlidi.

2152679
qirghizistan türkiyedin kelgen doxturlarni mukapatlidi

türkiye awazi radiyosi xewiri: qirghizistan sehiye ministirliqining bayanatigha qarighanda, sehiye ministiri alimqadir béyshénaliyéw inönü uniwérsitéti turghut özal dawalash merkizi jiger köchürüsh institutidin bishkekke bérip, jiger köchürüsh opératsiyesige qatnashqan dawalash heyiti bilen körüshken.

béyshénaliyéw jiger köchürüsh institutining muawin mudiri dotsént doktor wolqan inje, tashqi késellikler doxturi dotsént doktor kemal barish sariji, narkoz doxturi duygu demiroz, séstira emine erik we eje tashtan qatarliq doxturlargha qirghizistan sehiye ministirliqining saqliqni saqlashtiki munewwer ordénini teqdim qilghan.

béyshénaliyéw jiger köchürüshte mol tejribege ige türk mutexessisliri bilen hemkarliq ornitishning muhimliqini eskertken, hemde türk doxturlirigha rehmet éytqan.

u bu opératsiyening qirghizistanda dawalash saheside tashlanghan muhim bir qedem ikenlikini, buning jiger köchürüshke éhtiyajliq bimarlar üchün intayin muhimliqini tekitligen, shundaqla qirghizistan-türkiye dostluq doxturxanisida heqsiz élip bérilghan bu xil opératsiyelerning dawamlishidighanliqini qeyt qilghan.



مۇناسىۋەتلىك خەۋەرلەر