ئەزەربەيجان بۈيۈك قۇرتۇلۇش پارتىيەسى رەئىسى مۇستاپا قوراللىق ھۇجۇمغا ئۇچرىدى

تۈركىيە ئاۋازى رادىيوسى خەۋىرى: ئەزەربەيجان باش تەپتىش مەھكىمىس بايانات ئېلان قىلىپ، فازىل مۇستاپانىڭ باكۇنىڭ سابۇنچۇ ناھىيەسىدىكى ئۆيىنىڭ ئالدىدا نامەلۇم كىشىلەرنىڭ قوراللىق ھۇجۇمىغا ئۇچرىغانلىقىنى، ۋەقەنىڭ تەكشۈرۈلۈۋاتقانلىقىنى ئۇقتۇردى.

ئەزەربەيجان رايونلۇق تېببىي ئورۇنلارنى باشقۇرۇش جەمئىيىتىنىڭ باياناتىدا، دوختۇرخانىغا ئېلىپ بېرىلغان مۇستاپانىڭ ھاياتىنىڭ خەۋپ ئىچىدە ئەمەسلىكىگە ئىشارەت قىلىندى.