قىرغىزىستان ئاقساقاللار كېڭىشى چەت ئەللەردىكى قىرغىزلارنىڭ ۋەتىنىگە قايتىشىنى تەلەپ قىلدى
قىرغىزىستان ئاقساقاللار كېڭىشى ھۆكۈمەتتىن چەت ئەللەردىكى قىرغىزلارنىڭ ۋەتىنىگە قايتىشىنى كاپالەتكە ئىگە قىلىشنى تەلەپ قىلدى.
تۈركىيە ئاۋازى رادىيوسى خەۋىرى: قىرغىزىستان پىرېزىدېنتى سادىر جاپپاروۋ 25 - نويابىردىن 26 - نويابىرگىچە (2022) پايتەخت بىشكەكتە ئۆتكۈزۈلگەن 1 - نۆۋەتلىك خەلق قۇرۇلتىيى ئاقساقاللار كېڭىشىنىڭ ئەزالىرىنى قوبۇل قىلدى.
ئاقساقاللار كېڭىشى ئەزالىرى 1 - نۆۋەتلىك خەلق قۇرۇلتىيى تەشكىللەش ئارقىلىق سىياسىي ئىرادىنى نامايان قىلغانلىقى ئۈچۈن پىرېزىدېنت سادىر جاپپاروۋغا رەھمەت ئېيتتى.
ئاقساقاللار كېڭىشى ئەزالىرى ھۆكۈمەتكە 2050 - يىللىق نىشاننى ئۆز ئىچىگە ئالغان تەرەققىيات پىروگراممىسىنى تۈزۈش تەكلىپىدە بولدى ۋە بۇ پىروگرامما دائىرىسىدە كۆچمەن قىرغىزلارنىڭ ۋەتىنىگە قايتىپ كېلىشىنى كاپالەتكە ئىگە قىلىشنى تەلەپ قىلدى.
رەسمىي مەنبەلەرگە ئاساسلانغاندا، تەخمىنەن 7 مىليون نوپۇسى بولغان قىرغىزىستان پۇقرالىرىدىن 600 مىڭدىن كۆپرەك كىشى رۇسىيەدە، 30 مىڭغا يېقىن كىشى قازاقىستاندا ۋە 30 مىڭغا يېقىن كىشى تۈركىيەدە كۆچمەن سۈپىتىدە ياشىماقتا.
مۇناسىۋەتلىك خەۋەرلەر
ئەزەربەيجان – ئەرمېنىيە تىنچلىق سۆھبىتى باشلاندى
ئەزەربەيجان بىلەن ئەرمېنىيە ئوتتۇرىسىدىكى تىنچلىق سۆھبىتى قازاقىستاننىڭ ئالماتا شەھىرىدە باشلاندى.
ئەزەربەيجان باش مىنىستىرى تۈركىيەدە زىيارەتتە بولماقتا
ئەزەربەيجان باش مىنىستىرى ئەلى ئەسەدوف تۈركىيەدە دۆلەت ئىشلىرى زىيارىتىدە بولماقتا.