qazaqistanda kan partlap 5 kishi qaza qildi

türkiye awazi radiyosi xewiri: ölke waliy mehkimisining bayanatigha asaslanghanda, ölkige qarashliq shahtinsk shehiridiki «arsélor métal témirtaw» kénida shu yer waqti 03:00 etrapida gaz partlash weqesi yüz bergen.

weqe yüz bergende yer astida ishlewatqan 106 kan ishchisidin 5 nepiri jénidin ayrilghan. yarilanghan 4 ishchi balnéstqa élinghan.

kanchiliq shirkitining mesuli arman kalikow partlashning, gaz chiqirish quduqlirini burghilash jeryanida tuyuqsiz patqaq gazi qoyup bérish netijiside yüz bergenlikini bildürdi.

kalikow partlashtin kéyin 101 ishchining yer astidin chiqiriwélinghanliqini, emma kanning asasliq gewdiside qalghan ishchilarning jénidin ayrilghanliqini eskertti.

partlashqa alaqidar tekshürüshler bashlandi.

qazaqistan pirézidénti qasim jömert tokayéw kandiki partlashta jénidin ayrilghan ishchi-xizmetchilerning aile-tawabiatlirigha teziyename élan qildi.

tokayéw uchurida hökümetke partlashni tekshürüsh we jénidin ayrilghanlarning aile-tawabiatlirigha kéreklik yardemlerni qilish buyruqi chüshürgenlikini bildürdi.

bash ministir elixan ismailowmu «arsélor métal témirtaw» shirkitining ilgiri bixeter xizmet muhiti yaritish we kanda ishlepchiqirishni zamaniwilashturush toghrisida agahlandurulghanliqini tekitlep, partlashni tekshürüsh üchün komitét qurulghanliqini éytti.