iraq türkmenliri wekillik salahiyitige sel qarilishidin ensirewatqanliqini bildürdi
iraq türkmen fironti reisi hesen turan türkmenlerning yéngi hökümettin orun alalmasliqidin ensireydighanliqini bildürdi.
türkiye awazi radiyosi xewiri: paytext baghdadta bir türküm zhurnalistlar bilen körüshken hesen turan, iraqtiki hökümet teshkillesh tirishchanliqliri we türkmenlerning ehwali toghrisida toxtaldi.
«biz türkmenlerning yéngi kabinétqa kirgüzülmeslikidin endishe qiliwatimiz. nöwettiki weziyet bizni ensiretmekte» dégen turan, yéngi hökümetning kem dégende bir ijraiye ministirliqining türkmenlerge bérilishi üchün tirishchanliq körisitiwatqanliqlirini bildürdi.
türkmenlerning iraqning üchinchi asasi éléménti ikenlikige isharet qilghan turan, muawin prézidéntliq wezipisiningmu türkmenlerge bérilishi kéreklikini otturigha qoydi.
iraq türkmen fironti reisi turan yene kerkükning weziyiti üstide toxtilip, türkmenler orun almighan her qandaq sheher bashqurush xizmitining muweppeqiyetlik bolmaydighanliqini tekitlidi.
iraq parlaménti bu hepte muhemmed shiya essudani rehberlikide qurulidighan yéngi hökümetke bélet tashlaydu.
