ilham eliyéw azad qilinghan rayonlarni qaytidin qurush heqqide muhim söz qildi
ezerbeyjan pirézidénti ilham eliyéw 2 - qarabagh urushidin kéyin azad qilinghan rayonlarni qaytidin qurush we eslige keltürüsh arqiliq xelqara qatnash liniyelirining tereqqiy qildurulishi üchün keng kölemlik xizmetlerni bashlighanliqini bildürdi.
türkiye awazi radiyosi xewiri: ilham eliyéw türkmenistanning paytexti ashqabatta ötküzülgen 6 - nöwetlik kaspiy déngizi (hazar) döletliri rehberler yighinida söz qilip, ezerbeyjan bolush süpiti bilen kaspiy (hazar) déngizi döletlirining hemkarliqigha zor ehmiyet bergenlikini tekitlidi.
ilham eliyéw kaspiy déngizining qanuniy salahiyiti heqqide toxtilip, aqtawda imzalanghan höjjetning küchke ige bolushigha egiship, kaspiy (hazar) déngizi döletliri otturisidiki öz-ara tesir we hemkarliqni meqset qilghan téximu ünümlük tedbirler üchün puxta qanuniy asasning yaritilidighanliqini éytti.
ilham eliyéw kaspiy (hazar) déngizidiki qatnashning muhimliqini tilgha élip, «bügünki künde ezerbeyjan yawro-asiyaning muhim qatnash we transport merkizining biridur. ezerbeyjan sherq-gherb, jenub we shimaldiki xelqara qatnash karidorining tereqqiyatida muhim rol oynimaqta. biz kaspiy déngizidin halqighan xelqara qatnashni ünümlük ishlitish üchün tirishiwatimiz. bu yol kaspiy déngizi döletlirining qatnash iqtidaridin eng yuqiri derijide paydilinishqa kapaletlik qilidu hemde qatnash ul eslihelirini tereqqiy qildurushning yéngi layihelirining ishqa ashurulishigha sharait hazirlap béridu» dédi.
ilham eliyéw 2 - qarabagh urushida (2020-yili 9-aydin 11-ayghiche) ezerbeyjan qolgha keltürgen ghelibe üstidimu toxtilip, «ezerbeyjan qarabagh we sherqiy zangézurni qayta qurush, eslige keltürüsh , we xelqara qatnash liniyesini tereqqiy qildurush üchün keng kölemde xizmet bashlidi. zangézur karidori emdilikte réalliqqa aylanmaqta» dédi.
eliyéw ékologiyilik weziyetke qarita kaspiy (hazar) déngizi döletlirining endishilirini ortaqlishidighanliqini we kaspiy déngizidiki muhit mesilisini hel qilish üchün hemkarliqni kéngeytishni qollaydighanliqini bildürdi.
مۇناسىۋەتلىك خەۋەرلەر
ezerbeyjan – erméniye tinchliq söhbiti bashlandi
ezerbeyjan bilen erméniye otturisidiki tinchliq söhbiti qazaqistanning almata shehiride bashlandi.
ezerbeyjan bash ministiri türkiyede ziyarette bolmaqta
ezerbeyjan bash ministiri eli esedof türkiyede dölet ishliri ziyaritide bolmaqta.
özbékistan bilen wéngiriye erkin iqtisadiy rayon quridu
özbékistanda wéngiriye we yawropa shirketliri üchün alahide erkin iqtisadiy rayon qurulidu.