qazaqistanda pirézidént qasim jomert tokayéwgha suyiqest qilmaqchi bolghan bir jasus qolgha chüshti
qazaqistanda pirézidént qasim jomert tokayéw we bashqa bir qisim yuqiri derijilik dölet emeldarlirigha suyiqest qilishni pilanlighanliqi ashkarilanghan bir jasus nazaretke élindi.
![qazaqistanda pirézidént qasim jomert tokayéwgha suyiqest qilmaqchi bolghan bir jasus qolgha chüshti](http://cdn.trt.net.tr/images/xlarge/rectangle/46c5/8792/3ef8/62495f9352a69.jpg?time=1719242832)
türkiye awazi radiyosi xewiri: qazaqistan dölet bixeterlik komitéti teripidin élan qilinghan bayanatta, alahide qisim teripidin élip bérilghan heriket dairiside, paytext nursultanda chetel istixbarat orgini üchün ishleydighan bir qazaqistan puqrasining nazaretke élinghanliqi bildürüldi.
bayanatta, mezkur jasusning qazaqistan pirézidénti we bashqa bir qisim yuqiri derijilik dölet emeldarlirini qestlep öltürmekchi bolghandin sirt, bixeterlik qisimlirigha qarshimu térorluq herikiti pilanlighanliqi bildürldi.
bayantta, «tekshürüsh paaliyiti netijiside, chetelde yasalghan awazsiz mergen miltiqi, zeherlik chékimlik we zor miqdarda pullar qolgha chüshürüldi. bu qorallarning qazaqistangha alahide kespiy ustiliq bilen parchilanghan halda élip kélingenliki otturigha chiqti» déyildi.
jasusning qazaqistanda rusiyege qarshi teshwiqatni yuquri kötürüsh we ijtimaiy taratqularda yazma tarqitish arqiliq jemiyette rusiyege qarshi pikir peyda qilish wezipilirinimu ada qilghanliqi tekitlengen bayanatta yene, «bu qazaqistan puqrasi deslepki tekshürüshte özining bu heriketlerni bir chet döletning yolyoruqi we menpeeti üchün élip barghanliqini étirap qildi» déyildi.