toqayéw isyanlargha adaletsizliklerning seweb bolghanliqini bildürdi
qazaqistan pirézidénti toqayéw dölet ichide yüz bergen weqelerning bay-kembeghellik otturisidiki perqning qobul qilghili bolmaydighan sewiyege yétishining seweb bolghanliqini éytti.
türkiye awazi radiyosi xewiri: qazaqistan pirézidénti toqayéw soda dunyasining wekilliri bilen ötküzgen yighinda, mushu ayning béshida dölet miqyasida yüz bergen isyanlarning, yillardin buyan yighilip qalghan mesililerni ashkarilghanliqini eskertti.
u hazirning özide, döletning jemiyet tertipini tüp yiltizidin özgertish qatarliq istratégiyelik bir wezipege duch kelgenlikini qeyt qildi.
u: «bay bilen kembeghel otturisidiki perq qobul qilghili bolmaydighan sewiyege yetti» dédi.
u isyanlargha ijtimaiy adaletsizliklerning seweb bolghanliqini tekitlep: «térrorist qoralliq küchler bilen ularning otturisidiki süyiqestchiler, bu ehwaldin paydilinip ketti» dédi.
u qazaqistandiki bayliqning yérimining peqet 162 kishining qoligha merkezleshkenliki toghrisidiki xelqaraliq tetqiqat shirketlirining qarashlirini testiqlap, dölette iqtidarliq igilik tikligüchilerning imkaniyetlirini cheklep qoyghan we nurghun sermaye bir qolgha merkezleshken mewjut tüzümning derhal özgertilishi kéreklikini alahide eskertti.
u dölette siyasiy islahat siyasitini dawamlashturidighanliqlirini bildürüp: «jemiyetning zamaniwiylishishini we siyasiy islahat siyyasetlirini izchil dawamlashturimen. islahatlarning nishani éniq. bu erkin bazar igiliki, oxshimighan iqtisadiy igilikke ötüsh» dédi.
مۇناسىۋەتلىك خەۋەرلەر
ezerbeyjan bash ministiri türkiyede ziyarette bolmaqta
ezerbeyjan bash ministiri eli esedof türkiyede dölet ishliri ziyaritide bolmaqta.
özbékistan bilen wéngiriye erkin iqtisadiy rayon quridu
özbékistanda wéngiriye we yawropa shirketliri üchün alahide erkin iqtisadiy rayon qurulidu.