qazaqistanda namayish sewebidin hökümet istépa berdi

türkiye awazi radiyosi xewiri: pirézidént qasim jömert toqayéw etigende (2022-yili 5-yanwar) hökümetning istépasini qobul qildi.

pirézidéntliq ishxanisining bayanatigha asaslanghanda, muawin bash ministir elixan ismayilow bash ministirliq wezipisige wekil bolup teyinlengen.

qazaqistanning gherbidiki janaozen shehiride suyuqlandurulghan gaz bahasining ösüp kétishige qarshi shopurlar teripidin ötküzülgen namayish pütün memliketke kéngeygendin kéyin, almuta shehiri we mangistaw ölkiside jiddiy halet élan qilinghan idi.

jiddiy halet heqqide pirézidént toqayéwning imzalighan qararnamisida, qazaqistanda ammiwi bixeterlikke kapaletlik qilish weziyitining nacharlashqanliqi sewebidin mezkur rayonlarda 5-yanwardin 19-yanwarghiche kochigha chiqishni cheklesh yolgha qoyulghan idi.

qazaqistanning burunqi paytexti almutada minglighan kishi qatnashqan namayish bir kéche dawamlashqan we saqchilar awaz bombisi shundaqla yash aqquzush bombisi étip, namayishchilarni tarqitiwétishke urunghan idi.

qazaqistanda suyuqlandurulghan gaz bahasining 60 tenggidin 120 tenggige östürülishi hökümetning aghdurup tashlinishini keltürüp chiqardi.

qurulghan alahide hökümet komitéti aqtawdiki namayishchilar bilen körüshüp, suyuqlandurulghan gaz bahasini 50 tenggige chüshürgenlikini élan qilghan bolsimu, buninggha qarimastin dawamlashqan namayishlarda, mewjut hökümet tüzümini tenqid qilidighan siyasiy shoarlar towlanghan we xelqning ijtimaiy-iqtisadiy weziyitini yaxshilash telep qilinghan idi.