تۈركىيە رۇسىيەنىڭ نەرىمان جەلالنى تۇتۇپ كەتكەنلىكىگە نارازىلىق بىلدۈردى

تۈركىيە ئاۋازى رادىيوسى خەۋىرى: تۈركىيە تاشقى ئىشلار مىنىستىرلىقى باياناتچىسى تانجۇ بىلگىچ قىرىم تاتار مىللىي مەجلىسىنىڭ بىرىنچى مۇئاۋىن رەئىسى نەرىمان جەلالنىڭ تۇتۇپ كېتىلىشى ھەققىدىكى سوئالغا يازما جاۋاب قايتۇردى.

تانجۇ بىلگىچ تۈنۈگۈن ئەتىگەندە نەرىمان جەلالنىڭ قىرىمدىكى ئۆيىگە بېسىپ كىرىپ نازارەتكە ئېلىنغانلىقى ۋە نامەلۇم بىر يەرگە ئېلىپ كېتىلگەنلىكىنى، ئۇنىڭدىن تېخىچە ھېچقانداق خەۋەر ئېلىنمىغانلىقىنى ئەسكەرتتى.

تانجۇ بىلگىچ: «ئەھۋاللارنى ئەندىشىلەنگەن ھالدا كۆزىتىۋاتىمىز، نەرىمان جەلال ۋە ئۇنىڭ بىلەن بىرلىكتە تۇتۇپ كېتىلگەن تۆت قىرىم تاتارىنىڭ بالدۇرراق ئۆيلىرىگە ۋە ئائىلىسىگە قايتۇرىلىشىنى ئۈمىد قىلىمىز» دېدى.