qazaqistanda yéqinqi 24 saet ichide kowid-19 yuqumi eng yuqiri pellige chiqti
qazaqistanda yéqinqi 24 saet ichide 3003 kishide kowid-19 wirusi bayqilip, yuqum bashlanghandin buyanqi kündilik eng köp yuqumlinish nisbiti süpitide ruyxetke élindi.
türkiye awazi radiyosi xewiri: qazaqistan sehiye ministirliqining sanliq melumatlirigha qarighanda, yéqinqi 24 saet ichide 3003 kishide wirus bayqalghan. shuning bilen yuqum bashlanghandin buyanqi kündilik eng köp san süpitide ruyxetke élinghan.
qazaqistanda hazir omumiy yuqumlanghanlarning sani 433 ming 931 kishige yetti.
kowid -19 wirusi tüpeyli qaza qilghanlarning sani yéqinqi 24 saet ichide 26 kishi éship, jemiy 4444 ke yetti.
21-iyunda kowid -19 ning délta waréyanti tunji qétim paytext (nur sultan) da bayqalghandin kéyin, karantin qilish tedbirliri kücheytildi.
bolupmu mulazimet saheside, waksina emlenmigenlerning xizmet waqtigha cheklime qoyuldi.
salametlikide mesile körülmigen we waksina emleshni ret qilghan mulazimet sahediki xadimlarning bolsa, her 7 künde bir qétim passip PCR tekshürüshini körsitishi shert qilindi.
sheherdiki soda-saray, qehwexana we ashxanilarning xizmet waqtighimu cheklimiler yolgha qoyuldi.
مۇناسىۋەتلىك خەۋەرلەر
ezerbeyjan – erméniye tinchliq söhbiti bashlandi
ezerbeyjan bilen erméniye otturisidiki tinchliq söhbiti qazaqistanning almata shehiride bashlandi.
ezerbeyjan bash ministiri türkiyede ziyarette bolmaqta
ezerbeyjan bash ministiri eli esedof türkiyede dölet ishliri ziyaritide bolmaqta.
özbékistan bilen wéngiriye erkin iqtisadiy rayon quridu
özbékistanda wéngiriye we yawropa shirketliri üchün alahide erkin iqtisadiy rayon qurulidu.
