türkmenistan pirézidénti türk kéngishi yighinigha qatnishidu
türkmenistan pirézidénti gurbanguli berdimuhemmedow 2021-yili noyabir da istanbulda ötküzülüshi pilan qilinghan türk tillirida sözlishidighan döletler hemkarliq kéngishi (türk kéngishi) ning 8-nöwetlik rehberler yighinigha qatnishidighanliqini bildürdi.
türkiye awazi radiyosi xewiri: gurbanguli berdimuhemmedow türkmenistanni ziyaret qiliwatqan türk kéngishining bash katipi baghdad amreyéw bilen körüshkende, türkmenistanni türk dunyasi ailisining ayrilmas bir parchisi süpitide köridighanliqini bildürüp, yillardin buyan türk döletliri bilen qérindashliq munasiwetliri ichide ikenliklirini eskertti.
u türkmenistanning türk kéngishining ortaq menpeetler sahesidiki layiheliri ichidin orun élishqa teyyar ikenlikini we türk dunyasida éshiwatqan tereqqiyatning kéyinki yillardimu dawamlishishini ümid qilidighanliqini qeyt qildi.
u türk kéngishige eza döletlerning dölet bashliqliri bilen ötküzgen yéqinqi uchrishishliri üstide toxtilip, 2021-yili noyabirda istanbulda ötküzülüshi pilan qilinghan yighingha qatnishidighanliqini bildürdi.
türk kéngishi bash katipi baghdad amreyéw türk kéngishi 8-nöwetlik rehberler yighinning teyyarliqliri toghrisida melumat bérip, berdimuhemmedowning mezkur yighingha ishtirak qilishining, türk dunyasidiki ittipaqliqini namayan qilidighanliqini tekitlidi.
مۇناسىۋەتلىك خەۋەرلەر
ezerbeyjan – erméniye tinchliq söhbiti bashlandi
ezerbeyjan bilen erméniye otturisidiki tinchliq söhbiti qazaqistanning almata shehiride bashlandi.
ezerbeyjan bash ministiri türkiyede ziyarette bolmaqta
ezerbeyjan bash ministiri eli esedof türkiyede dölet ishliri ziyaritide bolmaqta.
özbékistan bilen wéngiriye erkin iqtisadiy rayon quridu
özbékistanda wéngiriye we yawropa shirketliri üchün alahide erkin iqtisadiy rayon qurulidu.
