qirghizistanda ötküzülgen pirézidéntliq saylimining gheyriy resmiy netijisi élan qilindi
qirghizistanda ötküzülgen pirézidéntliq saylimining gheyriy resmiy netijilirige qarighanda, omumiy awazning %79.18 ge érishken sabiq bash ministir sadir japarowning ghelibe qilghanliqi bildürüldi.
1560998
türkiye awazi radiyosi xewiri: qirghizistan merkizii saylam we omumiy xelq bélet tashlash paaliyiti komitéti reisi nurjan shaildabékowa, ikki ming 474 bélet tashlash sanduqigha bélet tashlashning tamamlanghanliqini we béletlerning %96.44 ning sanilip bolghanliqini uqturdi.
tizimgha aldurghan saylighuchilar sanining 3 milyon 563 ming 574 ikenlikini bildürgen shaildabékowa, pirézidéntliq saylimi we omumii xelq bélet tashlash paaliyitige bir milyon 339 ming 638 saylighuchining bélet tashlighanliqini, buning omumiy bélet tashlighuchilarning %37.59 ke toghra kélidighanliqini qeyt qildi.
u saylamning jezmleshmigen netijisige qarighanda, omumiy awazning %79.18 ge érishken sadir japarowning üstünlükke ige ikenlikige isharet qilip ötti.
shaildabékowa döletning bashqurush sistémisini békitishke qarar qilish meqsitide birla waqitta ötküzülgen omumiy xelq bélet tashlash paaliyitigimu saylighuchilarning %34.29 ining bélet tashlighanliqini, bularning %81.2 ning «pirézidéntliq tüzümi»ni qollap bélet tashlighanliqini sözlirige ilawe qildi.
مۇناسىۋەتلىك خەۋەرلەر
ezerbeyjan – erméniye tinchliq söhbiti bashlandi
ezerbeyjan bilen erméniye otturisidiki tinchliq söhbiti qazaqistanning almata shehiride bashlandi.
ezerbeyjan bash ministiri türkiyede ziyarette bolmaqta
ezerbeyjan bash ministiri eli esedof türkiyede dölet ishliri ziyaritide bolmaqta.
özbékistan bilen wéngiriye erkin iqtisadiy rayon quridu
özbékistanda wéngiriye we yawropa shirketliri üchün alahide erkin iqtisadiy rayon qurulidu.