تۈرك ئالىم ئەزىز سانجار ئەزەربەيجانلىق يېتىم قىزنىڭ ئوقۇشىغا ئىقتىسادى ياردەم قىلدى

تۈركىيە ئاۋازى رادىيوسى خەۋىرى: ئەزەربەيجان دۆلەت خەۋەر ئاگېنتلىقى (AZERTAC) نىڭ خەۋەر قىلىشىچە، ئەزىز سانجار ئەزەربەيجاننىڭ گەنجە شەھىرىگە ئەرمېنىيە ئاتقان باشقۇرۇلىدىغان بومبا ھەققىدىكى خەۋەرلەردىن تەسىرلەنگەن ۋە ئۇرۇشتا زىيانكەشلىككە ئۇچرىغان بالىلارنىڭ مائارىپى ئۈچۈن فوند تەسىس قىلىشنىڭ پايدىلىق بولىدىغانلىقى ھەققىدىكى تەكلىپىنى سۇنغان.

خەۋەردە ئامېرىكادا تۇرۇشلۇق تۈرك ئالىم ئەزىز سانجارنىڭ 17 - ئۆكتەبىردە ئەرمېنىيەنىڭ گەنجەگە قىلغان باشقۇرۇلىدىغان بومبا ھۇجۇمىدا ئاتا-ئانىسىدىن ئايرىلغان 3 ياشلىق خەتىجەنىڭ ئوقۇشى ئۈچۈن ئېچىلغان ھېسابقا ئىئانە يوللىغانلىقى بىلدۈرۈلدى.

تاغلىق قاراباغدا توقۇنۇش داۋام قىلىۋاتقان پەيتتە، ئەرمېنىيە  گەنجە شەھىرىگە ئىككى قېتىم باشقۇرۇلىدىغان بومبا ھۇجۇمى قىلغان بولۇپ، ھۇجۇمدا 26 پۇقرا قازا قىلغان ئىدى.

17 – ئۆكتەبىردىكى ھۇجۇمدا، خەتىجە بىنا خارابىلىقلىرى ئاستىدىن قۇتقۇزىۋىلىنغان ۋە ئاتا – ئانىسى شۇنداقلا بىر يېرىم ياشلىق سىڭلىسى قازا قىلغان ئىدى.