ئەلىيېۋ ئۇزۇن مۇددەتلىك ئۇرۇش توختىتىشنىڭ شەرتلىرىنى ئېلان قىلدى

تۈركىيە ئاۋازى رادىيوسى خەۋىرى: ئەزەربەيجان پىرېزىدېنتى ئىلھام ئەلىيېۋ ياپونىيەنىڭ نىككېي گېزىتىگە مۇھىم باياناتلارنى بەردى.

ئۇ رۇسىيە پىرېزىدېنتى ۋلادىمىر پۇتىندىن تاغلىق قاراباغ مەسىلىسىنى مۇزاكىرە قىلىش ئۈچۈن تەكلىپ تاپشۇرۇۋالمىغانلىقىنى ئەسكەرتتى.

ئۇ تاغلىق قاراباغقا تىنچلىق كۈچىنىڭ ئەۋەتىلىشىگە قارشى چىقمىغانلىقىنى بىلدۈرۈپ: «ئەزەربەيجان بۇ مەسىلىدە ئۆزىنىڭ شەرتلىرىنى ئوتتۇرىغا قويىدۇ» دېدى.

ئۇ تۈركىيەنىڭ ئەزەربەيجاننىڭ ئەڭ يېقىن ئىتتىپاقدىشى ئىكەنلىكىدىن بېشارەت قىلىپ: «بۈگۈن مىنسك گۇرۇپپىسىنىڭ تەڭ ھوقۇقلۇق رەئىسىنى سايلىساق، ئېنىقكى ئەزەربەيجان تۈركىيەنىڭ نامزاتلىقىنى قوللايدۇ» دېدى.

ئۇ تاغلىق قاراباغدا ھېچقانداق ۋاقىتتا رېفېراندۇم ئۆتكۈزۈلمەيدىغانلىقىنى يەنە بىر قېتىم تەكرارلىدى.