qirghizistanda türmidin chiqqan japarow pirézidéntliq hoquqini ötküzüwalghanliqini jakarlidi
qirghizistanda türmidin chiqip bash ministir bolghan «ata yurt» partiyesining sabiq parlamént ezasi sadir japarow, pirézidént soronbay jeénbékow istépa bergendin kéyin, pirézidéntliq hoquqining özige ötküzüp bérilgenlikini élan qildi.
türkiye awazi radiyosi xewiri: sadir japarow bash ministirliq binasining aldida qollighuchilirigha xitab qilip, soronbay jeénbékow istépa bergendin kéyin, parlamént bashliqi qanat isayéwning pirézidéntliq wezipisini üstige élishqa teyyar emeslikini bildürgen iltimas yazghanliqini eskertip: «shundaq qilip, pirézidéntliq hoquqi manga ötküzüp bérildi» dédi.
japarowning qollighuchiliri uning sözlirini muzikigha tengkesh qilip anglidi we dölet marshini oqughandin kéyin tarqaldi.
qirghizistanda 2020-yili 4-öktebir ötküzülgen parlamént saylimining netijilirini emeldin qaldurushni telep qilghan öktichi partiyelerning namayishliri zorawanliqqa aylinip ketken we pirézidéntliq binasi bilen parlamént binasi igelliwélinghan idi.
saylam netijilirini étirap qilmighan namayishchilarning bir qismi japarowni türmidin chiqirip, «waqitliq bash ministir» élan qilghan, pirézidént soronbay jeénbékowmu parlaméntning ishench awazigha érishken japarowning bashchiliqida qurulghan yéngi kabént ezalirini wezipige teyinligen qararni imzalighan we arqidin istépa bergen idi.
japarowning qollighuchiliri jeénbékow istépa bergendin kéyin, parlaméntning tarqilishini telep qilghan idi.
مۇناسىۋەتلىك خەۋەرلەر
ezerbeyjan bash ministiri türkiyede ziyarette bolmaqta
ezerbeyjan bash ministiri eli esedof türkiyede dölet ishliri ziyaritide bolmaqta.
özbékistan bilen wéngiriye erkin iqtisadiy rayon quridu
özbékistanda wéngiriye we yawropa shirketliri üchün alahide erkin iqtisadiy rayon qurulidu.
