qirghizistandiki namayishlarda qan töküldi
qirghizistanda 4 – öktebir küni ötküzülgen parlamént ezaliri saylimining netijilirige naraziliq bildürüsh namayishlirida bir kishi jénidin ayrildi, 590 kishi yarilandi.
türkiye awazi radiyosi xewiri: namayishchilar tünügün kechte pirézidént mehkimisi we mehkimining ichige jaylashqan parlamént binasini ishghal qildi.
merkiziy saylam komitéti teripidin % 7 lik saylam chékidin halqip ötelmigenliki bildürülgen 12 partiye terepdarliri, saylam netijilirining bikar qilinishini telep qilip, paytext bishkektiki alato meydanida naraziliq namayishi ötküzdi.
saqchilar 5 mingdin artuq namayishchini tarqitish üchün yash aqquzush we awaz bombisi ishletti.
tash we kaltekler bilen, hemde sheherlik hökümetke ait ot öchürüsh we exlet aptomobilliri bilen saqchilargha basturup kelgen namayishchilar, saqchilar chékingen pursettin paydilinip, pirézidént mehkimisi we mehkimining ichige jaylashqan parlamént binasini ishghal qildi.
namayishchilarning bir qismi pirézidént mehkimiside qélishni dawamlashturdi, yene bir qismi bolsa, alato meydani w e siyasiy mehbuslar qamalghan türmige qarap mangdi.
alato meydanidiki namayishchilar yangratqulardin «pirézidént mehkimisini kontrol astigha alduq» we almazbék atambayéw bilen sadir japarow qoyup bérilishi shert» teriqiside uqturush élan qildi.
namayishchilar ishghal qilghan türmidin sabiq pirézidént almazbék atambayéwni chiqirip, terepdarlirigha tapshurup berdi.
yene bir tereptin, pirézidént mehkimisining üstünki qewetliride etigen tereplerde namelum seweb bilen ot apiti yüz berdi.
ot öchürüsh etretlirining mudaxilisi netijiside ot apiti kontrol astigha élindi.
bu ariliqta, qirghizistan pirézidénti sooronbay jénbékow, pirézidént mehkimisi we parlamént binasini ishghal qilghan namayishchilarning perde arqisidiki küchlerge xilap qilip mundaq dédi: «weziyetning téximu yamanliship kétishining aldini élish üchün imkaniyetning bariche bixeterlik tedbirlirini qattiq kücheyttuq. dölette we jemiyette muqimliq, parlamént ezaliqi ispat xétini élishtinmu üstün orunda turidu.»
nöwette dölette weziyetning tamamen kontrol astida ikenlikini ilgiri sürgen jénbékow, barliq siyasiy küchlerni, döletning menpeetlirini shexsiy menpeetliridin üstün orungha qoyushqa we qanunlargha riaye qilishqa chaqirdi, hemde weqelerning perde arqisidiki siyasiy partiyelerning öz terepdarlirini peskoygha chüshürüshlirini, özliri turuwatqan jaylardin yiraqlishishlirini telep qildi.
u yene, öz terepdarlirinimu ighwagerliklerdin yiraq turushqa chaqirdi.
