ezerbeyjan armiyesi erméniye qisimlirini éghir chiqimgha uchratqan
ezerbeyjan armiyesi ishghal astidiki jaylarni qutquzush üchün bashlighan qayturma hujumda, 2 ming 300 erméniye eskirini bir terep qildi.
türkiye awazi radiyosi xewiri: ezerbeyjan dölet mudapie ministirliqi aldinqi septiki toqunushlar toghrisida bayanat élan qildi.
bayanatta, kéche boyiche shiddetlik toqunushlarning dawamlashqanliqi qeyt qilindi.
bayanatta yene, «27-30-séntebir künliri arisida 2 ming 300 erméniye eskirining ölgenliki, texminen 130 tanka we herbiy aptomobilning, 200 din artuq zembirek we bashqurulidighan bomba sistémisi, texminen 25 hawa qoghdinish sistémisi, alte qomandanliq merkizi we qomandanliq közitish merkizi, besh qoral iskilati, texminen 50 tanka atar we 55 aptomobilning pachaqlap tashlanghanliqi» bildürüldi.
tünügün (2020-yili 29-séntebir) ki toqunushlarda, ishghal astidiki xojawend wilayiti shushakend rayonida erméniyening bir dane «S-300» sistémisining pachaqlanghanliqi eskertilgen bayanatta, bügün (2020-yili 30-séntebir) etigen yoqitip qoyghan nuqtilirini qayturuwélish üchün madagiz yölünishide toplanghan erméniye qisimlirining hujumining aldi élinghanliqi qeyt qilindi.
bayanatta, barliq sep boyiche herbiy heriketlerning dawamlashqanliqi eskertildi.
ezerbeyjan armiyesining ishghal astidiki zéminlarni qutquzush üchün bashlighan qayturma hujumda, aghdere-terter yönülishide erméniye qisimlirining qorshawgha élinghanliqi bildürüldi.
