iraq türkmen fironti türkiyege minnetdarliq bildürdi

türkiye awazi radiyosi xewiri: iraq türkmen fironti bashliqi ershat salihi, kerküktiki 2018 – yili yüz bergen ot apitide xarabilikke aylinip ketken osmanli dewridin qalghan qeyseri bazirini eslige keltürüsh xizmetlirini axirlashturghan türkiye hemkarliq we koordinatsiye agénitliqi- tikagha minnetdarliq bildürdi.

ershat salihi bayanat bérip, bazarni eslige keltürüsh üchün tikagha yolyoruq chüshürgen jumhur reis rejep tayyip erdoghangha rehmet éytti.

bu yardemning bir hemkarliq signali ikenlikige isharet qilghan salihi, qoshna dölet türkiyening héchbir waqit iraq xelqi we türkmenlerni yalghuz tashlap qoymighanliqini tekitldi.

u, türkiye tashlighan bu qedemning iraqtiki yüzlerche tarixiy yadikarliqni eslige keltürüsh üchün iraq hökümitige ülge bolushini ümid qilidighanliqini qeyt qildi.

kerkük sheher merkizige jaylashqan osmanli impériyesi dewride sélinghan tarixiy qeyseri bazirida 2018 – yili 26 – noyabirda hazirghiche éniqlinalmighan bir sewebtin ot apiti yüz bérip, bazardiki nurghun dukan éghir talapetke uchrighanidi.