qazaqistan musteqilliqining 28yilliqini tebriklidi

türkiye awazi radiyosi xewiri: qazaqistan sabiq sowétler ittipaqi yimirilip, 1991-yili 16-dékabir musteqilliqini élan qilishi bilen, ottura asiyada yéngi musteqil jumhuriyet quruldi. türkiye qazaqistanning musteqilliqini birinchi bolup étirap qildi.

sabiq sowétler ittipaqi uzun yillarghiche yadro sinaq meydani qilip paydilanghan qazaqistan, musteqilliqini jakarlighandin kéyin, tunji qedemde shemey yadro sinaq meydanini taqidi. qazaqistan yadro paaliyetliridin öz iradisi bilen waz kechti. diktatorluq tüzümdin démokratiyege, pilanliq igiliktin bazar igilikige ötüshte muweppeqiyet qazandi.

1997-yili qazaqistanning birinchi nöwetlik pirézidénti nursultan nezerbayéwning qarari bilen élan qilinghan nursultan (kona ismi astana) qazaqistanning musteqil bolushida chong rol oynidi. yolgha qoyulghan islahatlar sayisida, qazaqistanning ichki ishlepchiqirish omumiy qimmiti 28 yilda 16 hesse éship 180 milyard dollargha yetti.

qazaqistan 1991-yilidin tartip iqtisadta jelp qilghan 330 milyard dollarliq chet el meblighi bilen, ottura asiyadiki eng chong meblegh sélinghan dölet bolup qaldi.

qazaqistanda 2 minggha yéqin türkiye meblegh salghan shirket paaliyet qilmaqta.

qazaqistanning musteqilliq qanuni qobul qilinghan 16-dékabir, musteqilliq küni süpitide dölet miqyasida milliy bayram hésablinip, ikki kün tebriklinidu. resmiy bayram bolghan musteqilliq bayrimida, dölet miqyasida we chet ellerdiki elchixana-konsulxanilarda her xil medeniyet-senet paaliyetliri hemde ijtimaiy paaliyetler ötküzülidu.