qazaqistanda xelqara maarip we ilim – pen yermenkisi bashlandi
qazaqistanning paytexti nur sultanda 17 – nöwetlik xelqara maarip we ilim – pen yermenkisi bashlandi.
türkiye awazi radiyosi xewiri: «Atakent Expo» shirkiti teripidin kürme yermenke merkizide ötküzülgen bu qétimqi yermenkining échilish murasimigha, sahe wekilliri, her qaysi dölet diplomatiye xadimliri we nurghun sanda méhmanlar qatnashti.
yermenkide qazaqistan, rusiye, bulghariye, kanada, litwaniye, poloniye we shiwéyétsariyedin qatnashqan her qaysi uniwérsitét wekilliri körge bölümi achti.
yermenkige qatnashqanlar arisidin xoja ehmet yesiwi xelqara türk - qazaq uniwérsitéti mudiri meslihetchisi yedil tologonow, anadolu xewer agéntliqigha bergen bayanatida uniwésitétning imkaniyetlirini tonushturushni meqset qilip körgezme bölimi achqanliqini éytti.
yedil tologonow, ehmet yesiwi uniwérsitétining ölke merkizi türkistan shehirige jaylashqanliqi sewebidin zor qiziqish qozghighanliqini bildürüp, «yéqinqi 2 yilda oqughchilirimizning sani 2 hesse örlep, 10 mingdin ashti. bularning %15 i chet ellik oqughuchilar» dédi.
yedil tologonow, ehmet yesiwi uniwérsitétida 17 dölet we 41 millettin oqughuchi barliqini bildürdi. ehmet yesiwi uniwérsitétining qazaqistanda xelqaraliq salahiyetke ige birdin bir uniwérsitét ikenlikini tekitlep, qazaqche, türkche, ingilézche we rusche ders ötiliwatqanliqini qeyt qildi.
yedil tologonow, uniwérsitétning chet ellik oqughuchilarni döletlirige qaytishi üchün yol chiqimi bilen teminleydighanliqini, türkiyening 500 qazaq oqughuchigha oqush yardem puli bériliwatqanliqini, iqtisadi ehwali nachar oqughuchilar üchün oqughuchilar yatiqi we bashqa éhtyajliq nersiler jehettin mexsus asanliqlar yaritip bériliwatqanliqini bildürdi.
yermenke jüme küni axirilishidu.
مۇناسىۋەتلىك خەۋەرلەر
ezerbeyjan bash ministiri türkiyede ziyarette bolmaqta
ezerbeyjan bash ministiri eli esedof türkiyede dölet ishliri ziyaritide bolmaqta.
özbékistan bilen wéngiriye erkin iqtisadiy rayon quridu
özbékistanda wéngiriye we yawropa shirketliri üchün alahide erkin iqtisadiy rayon qurulidu.