ئەلى ئەسەدوۋ ئەزەربەيجاننىڭ يېڭى باش مىنىستىرى بولدى

ئەزەربەيجاننىڭ ئىستېپا بەرگەن باش مىنىستىرى نوۋروز مەھەممەدوۋنىڭ ئورنىغا ئەلى ئەسەدوۋ باش مىنىستىر بولۇپ تەيىنلەندى.

ئەلى ئەسەدوۋ ئەزەربەيجاننىڭ يېڭى باش مىنىستىرى بولدى

تۈركىيە ئاۋازى رادىيوسى خەۋىرى: ئەرەزبەيجان پارلامېنتى دۆلەتنىڭ يېڭى باش مىنىستىرىنى بەلگىلەش ئۈچۈن بىر يەرگە جەم بولدى.

پارلامېنت باشلىقى ئوكتاي ئاسەدوۋ، باش مىنىستىر نوۋرۇز مەھەممەدوۋنىڭ ئىستېپاسىنى پىرېزىدېنت ئىلھام ئەلىيېۋغا سۇنغانلىقىنى ئۇقتۇردى.

پارلامېنت باشلىقى ئوكتاي ئاسەدوۋ، مەھەممەدوۋنىڭ ئىستېپاسىنىڭ قوبۇل قىلىنغانلىقىنى ۋە پىرېزىدېنت ئىلھام ئەلىيېۋنىڭ باش مىنىستىرلىق ئۈچۈن ئىقتىسادىي ئىشلارغا مەسئۇل مۇئاۋىن پىرېزىدېنت ئەلىي ئاسەدوۋنى نامزات كۆرسەتكەنلىكىنى ئېلان قىلدى.

پارلامېنتتىكى ئاۋاز بېرىش پائالىيىتىدىن كېيىن ئەلى ئاسەدوۋ ئەزەربەيجاننىڭ يېڭى باش مىنىستىرى بولۇپ سايلاندى.

ئەلى ئاسەدوۋ، ئاۋاز بېرىش پائالىيىتى ئاخىرىدىكى سۆزىدە ھەممەيلەننىڭ ئۆزىگە ئىشەنگەنلىكى ئۈچۈن رەخمەت ئېيتتى.

ئەلى ئاسەدوۋ نەھچىۋاندا 1965 - يىلى 30نويابىردا تۇغۇلغان ۋە موسكۋا خەلق ئىقتىسادى ئىنستېتۇتىنى 1978يىلى پۈتكۈزگەندىن كېيىن، سۇۋىت ئىتتىپاقى دەۋرىدە ئەزەربەيجان دۆلەتلىك پەنلەر ئاكادېمىيەسىدە ھەر خىل ۋەزىپىلەرنى ئۆتىگەن ئىدى.

ئەزەربەيجان مۇستەقىل بولغاندىن كېيىن 1995يىلى پارلامېنت ئەزالىقىغا سايلانغان ئەلى ئاسەدوۋ، 1998يىلى ئىقتىسادىي ئىشلارغا مەسئۇل مۇئاۋىن پىرېزىدېنتلىققا تەيىنلەنگەن ئىدى.

ئەلى ئاسەدوۋ 2012يىلىدىن بۇيان قوشۇمچە ئەزەربەيجان پىرېزىدېنتلىقى مۇئاۋىن باش كاتىبىلىق ۋەزىپىسنىمۇ ئۆتەپ كەلمەكتە ئىدى.



مۇناسىۋەتلىك خەۋەرلەر