sabiq pirézidént almazbék atambayéwning mal – mülki tonglitip qoyuldi

türkiye awazi radiyosi xewiri: qirghizistan bash teptish idarisi teripidin élan qilinghan bayanatta, atambayéwgha we ailisige tewe ikenlikni éniqlanghan bankilardiki we bashqa shirketlerdiki barliq mal -mülki, banka hésabliri, muqim we muqimsiz mülükliri shundaqla pay we hessiliri tonglitilghanliqi bildürüldi.

bayanatta, atambayéwgha, ayaligha we shirkitige tewe mal – mülüklerning tézimliki élan qilinip, «attambayéwgha ait ikenliki éniqlanghan qirghizawtomash ishlepchiqirish bazisi hessedarliq shirkiti, april téléwziyesi we qana d téléwiyesi, aprél fondi jemiyiti, döletlik sijil insaniy tereqqiyat mutexessisliri kéngishi jemiyiti, salametlik, üzün ömür we tibbiy tetqiqat, oqu – oqutush merkizi, radiyo - téléwiziye salahiyetlik kishiliri birliki, qirghizawtomash salahiyet kishiliri birlikige tewe 25 bankidiki xususiy sanduqlardin bashqa yene, atambayéwgha tewe 5 dane aliy derijilik aptomobil, bir öy, bir yaylaq, 3 bagh, 4 parche zémin, atambayéwning ayali reise atabayéwgha tewe qoro jay we öy, 3 aptomobil, qirghizawtomash shirkitige ait 10 din köprek quru jay, muqim, mülk, aptomobil, zémin, iskilat we  muessiseler tonglitildi» déyildi.

saqchilar qizghizistan parlaménti teripidin atambayéwning chiqilalmasliq salahiyiti emeldin qaldurulghandin kéyin, mafya rehbiri eziz batukayéwning 2013 – yilda qanunsiz halda qoyup bérilishige chétishliq délo dairiside, atambayéwning guwahchi süpiti bilen bayanat bérishi üchün 3 qétim sotqa teklip qilinghan idi.

ichki ishlar ministirliqi tekshürüsh kemitétining 3 – qétim teklip yollighanliqigha qarimastin kélishini ret qilghan atambayéwni tutup kélip mejbur sotqa élip chiqish meqsitide, 7 – awghust küni kaytash yézisidiki öyige bésip kirip tutush herikiti élip bérilghan idi.

bu jeryanda yüz bergen sürkilishte bir saqchi ölüp, 6 saqchi atambayéwning qollighuchiliri teripdin görüge tutuwilinghandin sirt, 100 ge yiqin saqchi we alahide saqchi qisim xadimliri yaridar qilinghan idi.

atambayéw shu qétimqi herikette nazaretke élinghan bolup, bishkek pérwomay nahiyelik sot mehkimisi uni qizghizistan dölet bixeterlik komitétining nazaretxanisida 26 – awghustqiche tutup turushqa huküm qildi.

atambayéw chiriklik jinayiti bilen eyiblinip nazaretke élinghandin bashqa yene, jinayet ötküzüsh, bashqilarni jinayetke teshebbus qilish we insanlarni görüge tutuwilish jinayiti bilenmu sot qilinidighanliqi bildürülmekte. 

almazbék atambayéw 2011 – yilidin 2017 – yiligha qeder qizghizistanning pirézidéntliq wezipisini ötigen idi.