shimaliy qibris türk jumhuriyitigha bir jisim chüshüp partlash yüz berdi

türkiye awazi radiyosi xewiri: shimaliy qibris türk jumhuriyitining tashkent yézisigha bir jisim chüshüp partlap ketti. xewpsizlik tarmaqliri ot ketken jaygha héchkishini yéqinlashturmidi. biraq, etrapta ot yalqunliri kötürüldi. shimaliy qibris türk jumhuriyiti muawin bash ministiri we tashqi ishlar ministiri qudret özersay tekshürüshlerdin kéyin, weqe heqqide bayanat élan qildi.

u: «deslepki tekshürüsh netijiliri partlashqa seweb bolghan jisimning, ya partlighuchi madda bar hawa apparati ya bashqurulidighan bomba ikenlikini körsetmekte. jisim parchiliri üstidiki xetler we bashqa yip uchliri qisqa waqit ichide jisimning néme ikenlikini bilishimizge yardem qilidu» dédi.

u weqede ölüm-yétim hadisilirining körülmigenlikini, ot öchürüsh xadimlirining otni kontrol astigha alghanliqini bildürdi.

neq meydandiki tekshürüshlerde bir hawa apparatining motor parchiliri bayqaldi. parchilar üstidiki rusche xetler diqqet qozghidi.

shimaliy qibris türk jumhuriyiti jumhur reisi mustafa akinji, türkiyening lefkoshada turushluq bash elchisi eli muratbashcheri we xewpsizlik qisim qomandani tewpiq algan qatarliqlarmu neq meydanni tekshürdi.

jumhur reis mustafa akinji: «rayondiki urushning bizning üstimizge chüshken yaman németliridin biri. deslepki bayqash süpitide buni déyeleymiz» dédi.

weqe heqqide tekshürüshlerning dawamlishiwatqanliqi bildürüldi.