litwaniye parlaméniti qirim tatar sürgünini «irqiy qirghinchiliq» dep étirap qildi

türkiye awazi radiyosi xewiri: litwaniye tashqi ishlar ministiri linas linkéwijus ijtimaiy taratqu hésabida bayanat élan qilip, 1944 – yili 18 – mayda qirim tatarlirigha yürgüzülgen sürgün qilish pajiesini litwaniye parlaméntining «irqiy qirghinchiliq» dep étirap qilghanliqini jakarlidi.

ministir linas linkéwijus tiwittér hésabida élan qilghan bayanatida, «litwaniye parlaménti bügün déktator sitalin hökümiti teripidin 75 yil ilgiri qirim tatarlirining kolliktip sürgün qilinishini <irqiy qirghinchiliq> dep étirap qildi. litwaniye qirim tatarlirining rusiye ishghal qiliwalghan qirimdiki heq – hoquqini qoghdashnimu dawamlashturidu» déyildi.

parlaméntiki awaz bérishte 78 parlamént ezasining 77 si qarar teklipini qollap awaz berdi birla parlamént ezasi bélet tashlashtin chékindi. 

litwaniye parlaménti teripidin qarargha alaqidar élan qilinghan bayanatta, 1944 - yilida sowit ittipaqining qirim tatarlirigha qarshi ötküzgen jinayetlirini litwaniye parlaméntining <irqiy qirghinchiliq> dep étirap qilghanliqi bildürüldi hemde xelqara jamaetchilikni qirim tatraliri bilen hemkarlishishqa shundaqla rusiyening 2014 – yilida qirimni ishghal qilip, özige qoshuwalghanliqigha qarshi turush siyasitini dawamlashturushqa chaqiriq qildi.

bayanatta yene, bu qétimqi qararnamida qirim tatar xelqining ana wetenliridin qoghlap chiqirilishini eyibleydighanliqi tekitlendi. yurt – makanidin ayriwétilgen tatarlarning köpinchisining diktator sowit ittipaqi hökümiti teripidin 1944 – yili pilanlanghan we ijra qilinghan mejburiy ishlitish, qéyin – qistaqqa élish, késellik we acharchiliqta qoyush qatarliq weqelerde ölüp ketkenliki eskertildi.

bayanatta, litwaniye parlaméntida qobul qilinghan qirim tatar sürginige alaqidar bu qararname arqiliq rusiye fédératsiyening 2014 – yilida qirimni ishghal qilghanliqi we öz tirrotoriyesige qoshuwalghanliqinimu qattiq eyibleydighanliqi tekitlendi.