özbékstanning soda hejimi ashti
özbékstanning tashqi soda hejimi bu yilning tunji charikide 2018-yilining oxshash mezgilige sélishturulghanda %27.2 éship 9 milyard 406.2 milyon dollargha yetti.
![özbékstanning soda hejimi ashti](http://cdn.trt.net.tr/images/xlarge/rectangle/394e/9691/d25e/5b9f83d578623.jpg?time=1719197743)
türkiye awazi radiyosi xewiri: özbékstan döletlik istatistika komitéti tashqi sodigha munasiwetlik reqemlerni élan qildi. komitétning sanliq reqemlirige asaslanghanda, 2019-yilining tunji üch éyida éksport miqdari %20.6 éship 4 milyard 132.7 milyon dollargha, import miqdari %32.9 éship 5 milyard 273.5 milyon dollargha yetken. bu mezgilde özbékstanning tashqi qizil reqimi 1 milyard 140.8 milyon dollar bolghan.
2019-yilining tunji charikide özbékstanning éksportida birinchi orunda, altun, énérgiye we néfit mehsulatliri, yémek-ichmek mehsulatliri, renglik we tömür métallar bilen mulazimet sahesi turghan. importida bolsa, mashina-üsküniler, ximiye sanaiti mehsulatliri, renglik we tömür métalliri mehsulatliri aldinqi orunda turghan.
özbékstanning tashqi sodisi 2018-yilida 2017-yiligha sélishturulghanda %27.3 éship 33 milyard 815.3 milyon dollar bolghan bolup, buning 14 milyard 257.9 milyon dollarliq qismini éksport, 19 milyard 557.4 milyon dollarliq qismini import igellidi.