özbékistanda noruz bayrimi tebriklendi
özbékistanda baharning bisharetchisi noruz töt künlük resmiy tetilning türtkiside jushqun keypiyat ichide tebriklendi.
türkiye awazi radiyosi xewiri: paytext tashkenttiki yéngi sélinghan «homu aréna tenterbiye sariyi» dairiliri dölet erbabliri, özbékistandiki chet ellik diplomatlar we köp sanda méhmanning ishtirak qilishi bilen resmiy murasim ötküzüldi. tebriklesh paaliyitige türkiyening tashkentte turushluq bash elchisi mehmet süreyya ermu ishtirak qildi.
pirézidént shewket mirziyayéw murasimda söz qilip, noruz bayrimining esirlerdin buyan yéngi yil, yéngi kün süpitide tebriklinip kéliwatqan milliy bayram ikenlikini eskertip, bügünning tebietning oyghinish küni ikenlikini éytti.
mirziyayéw, noruz tebrikliniwatqan künde yamghur yaghqanliqini tilgha élip, «bayram küni yaghqan yamghurda ilahi küch bar. noruz küni yamghur yaghsa, yil beriketlik bolidu» dédi.
shewket mirziyayéwning sözi axirlashqandin kéyin özbékistan xelq oyunliri qoyuldi we naxsha – ussulliri orundaldi.
مۇناسىۋەتلىك خەۋەرلەر
ezerbeyjan – erméniye tinchliq söhbiti bashlandi
ezerbeyjan bilen erméniye otturisidiki tinchliq söhbiti qazaqistanning almata shehiride bashlandi.
ezerbeyjan bash ministiri türkiyede ziyarette bolmaqta
ezerbeyjan bash ministiri eli esedof türkiyede dölet ishliri ziyaritide bolmaqta.
özbékistan bilen wéngiriye erkin iqtisadiy rayon quridu
özbékistanda wéngiriye we yawropa shirketliri üchün alahide erkin iqtisadiy rayon qurulidu.