eliyéw: islahat élip bérishni dawamlashturimiz

türkiye awazi radiyosi xewiri: ilham eliyéw noruz bayrimi munasiwiti bilen xelqke xitab qilip, islahatlarning yéngi basquchigha qedem qoyghanliqlirini tekitligen halda, «iqtisadiy islahatlar qoshumche kirim yaritishimizgha we xamchot kirimlirimizni ashurushimizgha imkaniyet yaritip béridu. xamchot kirimliri bu yil yanwar – féwral aylirida 150 milyon manat ashti. bu kirimlerni ijtimaiy layihelerge serp qilimiz» dégenlerni qeyt qildi.

ezerbeyjan qolgha keltürgen ijtimaiy we iqtisadiy ilgirileshlerni tilgha alghan eliyéw, «islahatlar chongqurlishidu. islahatning ornini basidighan nerse yoq. siyasiy, iqtisadiy, ijtimaiy, edliye, qanun, maarip we sehiyege oxshash sahelerde yéngi islahatlar élip bérilidu. munasiwetlik yolyoruqlar chüshürüldi, islahat pilanlirini tüziwatimiz.» dédi.

ezerbeyjanning yéngi bir dewrge qedem qoyghanliqini eskertken eliyéw, «ezerbeyjan yéngiliwatidu, küchiyiwatidu we zamaniwilishiwatidu. yiltizi chongqur milliy we meniwi asaslar üstige küchlük bir dölet qurduq. ezerbeyjan tarixida héchqachan bundaq küchlük bolup baqmighanidi, biraq, bu mushu utuqlirimiz bilen kupayilinimiz dégenlik bolmaydu. utuqlirimiz bizni kélechekke téximu ümidwar qarashqa righbetlendürmekte. bu yilnimu ünümlük axirlashturidighanliqimizgha ishinimen. ezerbeyjan buningdin kéyin peqet tereqqiyat yolinila boylaydu, puqralarning ijtimaiy bayashatliqi yilséri yaxshi bolidu» dégenlerni sözlirige ilawe qildi.